男友出街成日昅女，女友在旁亦毫不避忌！望到實一實，港女投訴：想扮唔知都唔得！

跟男友出街拍拖，發現對方公然昅其他女仔感覺當然不好受！近日有女生在討論區控訴男友昅女的舉動太誇張，望到實一實之餘，甚至會特登行慢啲，令樓主想扮唔知都唔得，不禁令樓主表示：「昅夠女未⋯⋯」

近日，一名香港女生在Dcard討論區以「昅夠女未⋯⋯」為題發文！她表示跟男朋友出街時，會留意到男友昅女仔，樓主認為「望其實就無所謂」，因為平時如果她遇到自己鍾意的類型，樓主都會望幾眼～

# 昅女昅到實一實？

不過，樓主認為男友昅女仔並非單純看一看，而是「睇到實一實」，就算樓主就在他旁邊亦毫無避忌，「人哋行左邊，佢就望左邊」，有時甚至會特登行慢一點或者行第二邊昅女！

# 樓主想扮唔知都唔得！

樓主認為男友的行為太過份，「我知人地身材好或者靚女或者着得性感」，但男友的舉動令樓主「想扮唔知都唔得，想由佢但係盞自己唔開胃」！樓主雖然知道男友只是望一下，但自己見到就開心不了！

# 男友覺得樓主昅仔無所謂？

樓主又補充，男友有提過如果樓主望下靚仔自己沒所謂，令她質疑男友可能覺得樓主同樣接受到男友望女仔！不過，樓主強調「如果望得咁誇張真係搞唔掂」，又認為「有時覺得喺街靚女多過靚仔，我都無乜點望到，加上如果我望到都真係一眼望完就算」，跟男友昅女的情況不同！

# 網民建議坦白講清楚！

網民紛紛為樓主的煩惱提供意見，不少網民建議樓主不開心應該跟男友坦白說清楚，「佢無所謂唔代表你無所謂，你同佢講清楚而家係你唔開心，佢唔應該用任何說話去合理化佢令你唔開心」～

亦有網民認為如果男朋友真心在意樓主就自然會改，認為他有可能只是不知樓主在意，「他又不是會讀心術，你不講永遠沒有人知道你想什麼的。」

# 網民：昅女同追星一樣？

不過，亦有網民認為男生在街上昅女某程度上同女生追星一樣，認為「明既自然會明，絕對比唔上班女嘅癲」～

大家又接唔接受到另一半喺自己面前昅女仔呢？

延伸閱讀：

港女嬲男友去迪士尼一蚊都唔肯洗！$150頭箍嫌貴委屈到喊，網民撐：好寒酸咁都慳！

Text：Girlstyle Editorial
Photo Source：Dcard、劇照