港男開始明白點解男人婚後咁易出軌！力數老婆變人形豬，直認：好怕自己忍唔住

出軌或第三者介入似乎在近年亦出現不少這類報導，到底為何一個人會有出軌的想法？最近有網民（樓主）就在討論區以「開始明白點解男人婚後會咁易出軌」為題，直言理解男人出軌的行為，此帖文隨即引來外界的熱議。

# 港男眼見老婆似「人形豬」生出軌慾望？

樓主以「開始明白點解男人婚後會咁易出軌」為題，分享近來公司有些年輕有活力的美女主動示好，自己回家後看到無情趣的老婆，並直踩老婆：「婚後又唔keep嘅人形豬真係。。。好怕自己忍唔住。」

樓主也稱後來他才發現原來身邊有很多差唔多年紀的男士亦跟他有同樣的想法，並細分為世上有兩大類男士，分別是「有能力出軌與無能力出軌」。

# 網民力數樓主對老婆無禮

不少人看到樓主的無禮留言，狠罵樓主對老婆毫不尊重，形客老婆為「人形豬」，更稱既然樓主這樣想，不如直接離婚：「離婚囉咁巴閉，一黎就叫自己老婆人形豬」。

樓主提到世上有兩類男人，包括是「有能力出軌與無能力出軌」，但是有網民就覺得即使是有能力都不一定要出軌，出軌其實很大部分與誠信及道德有關。

# 網民望樓主反思「當時點解結婚？」

有網民更拋出問題，望樓主反思一下，始終當初老婆曾是年輕活力的女生：「諗下你老婆當初都係靚女、活力嘅後生妹妹」、「咁當時點解結婚？」、「其實人係會老，點keep都係會老」、「樓主話老婆係人形豬，咁你有冇發福，想維持婚姻不如拉埋老婆出去做運動/keep fit啦」。

亦有網民提到樓主把婚姻的承諾當兒戲，當初結婚時對老婆說，「無論是順境或是逆境，富有或貧窮，健康或疾病，我將永遠愛你、珍惜你直到地老天長」，但是老婆現時只是身型肥了，或感到兩人之間少了激情而尋求新鮮感，當初應該想清楚才結婚。

# 網民勸喻樓主不要出軌？

另有網民就勸喻樓主不要出軌，更表示無論身邊人（老婆）幾正都好，每天一起住對住她，自然會沒有了當初那份新鮮感，而樓主對住出面其他年輕活力女生，初相識很正的感覺就等於初時他對老婆的感覺，即使有新的女生出現同樣也有天也會新鮮感變淡。

有網民就覺得根本是樓主自己想出軌，但就賴在自己的老婆身上，「有呢種心態的人，婚姻唔適合你」、「個老婆你自己揀㗎喎」同時有網民就覺得一般年輕女生都是貪你的錢財才會跟你一起，根本不是真心愛你。

有網民就覺得樓主應該快快手離婚，既然有這樣的想法，就快跟老婆離婚放生老婆：「不過佢咁講野都唔慌有同老婆溝通啦，有愛就冇可能會咁口賤又諗出軌」、「放生佢啦」、「如果女人唔結婚唔生仔咪keep到身材囉，如果你老婆係唔使做日日去美容、 去做gym，想唔靚都好難，你老婆搞到咁係因為你冇錢或者係幫你慳錢咋」。

# 網民揭不少夫妻很多都各有各玩？

有網民就認為現世代有很多人即使已婚，但是仍是會「各有各玩」：「宜家分開玩既都好多，舊公事有2個廿尾靚女，身材又FIT，都係同老公分開玩，又唔CARE公司D人知」。

有網民就似乎認同樓主所說的，不少老婆結婚後都沒有好好保養肌膚或保持身材，令到婚前婚後很大差別，並笑指，「D女以為自己嫁左人就到左終點」。

Text: GirlStyle editorial
Photo Source: 連登討論區截圖、湯怡IG、湯洛雯IG、劇照