男神廚房｜男嘉賓狂獻殷勤冧女評判！陳家樂出鑽戒／張敬軒唱情歌，張振朗心形頹飯被集體嫌棄！

TVB近日推出由鄭裕玲（Do姐）和王菀之（Ivana）主持的全新綜藝節目《男神廚房》，對撼ViuTV熱播的《全民造星4》及《神的女主角》！首集請來張敬軒、張振朗、陳家樂與湯洛雯表弟李子熙4位男神比拼，出現不少精彩畫面！

《男神廚房》首集已出現不少災難性畫面，包括張振朗燒燶毛巾、煮蝦半生熟等恐怖廚技，嚇壞觀眾！

經過第一集的首輪比試後，湯洛雯表弟李子熙（Daniel）暫時獲得1700分，榮登榜首，而「早餐界KOL」張敬軒亦以穩陣的廚藝獲得1650分排名第2！至於首集已經出現不少蝦碌畫面的張振朗只從Ivana手上取得1分同情分，遠遠落後其他參賽者！

昨晚（2日）《男神廚房》播出第二集就以「準備晚餐向女仔表白」為題進行第2場比試，除了要靠廚藝得分外，四位男嘉賓仲要諗一句說話來冧掂一眾女評判！

# 陳家樂出動「鑽戒」，Do姐拍爛手掌！

男神陳家樂就決定以蛋白皮包着鮑魚，製作手巧的蛋白福袋，將菜式命名為「鮑你窩心」，十分有創意！

至於試食環節，他更拖展渾身解數贏盡評判歡心，從衫袋拿出「鑽石戒指」放在每一位女評判的碟上，氹得Do姐拍爛手掌！

Ivana更指：「佢唔係求婚，只係想做女朋友就已經咁大手筆」，Do姐亦緊接表示：「你求婚仲得了嘅？」更立即帶上戒指，看來十分歡喜！

# 張敬軒抗議對手出矛招！

不過，場外的競爭對手張敬軒卻一臉不滿，手持着「好矛呀」的紙張站在一旁扁嘴無聲抗議！而張敬軒就準備了名為「櫻花大阪燒」的菜式，更在上方用沙律醬和燒汁畫成一個心形，向一眾女評判示愛！

# 出殺手鐧唱《櫻花樹下》氹女嘉賓！

張敬軒表示：「既然陳家樂都出動到戒指，我都無辦法唔出殺手鐧啦～」隨即就即場向女評判獻唱《櫻花樹下》表白，超級冧！

唱完情歌氹女嘉賓，Ivana就讓張敬軒講一句說話打動Do姐，令Do姐擺出雙手遮面，十分害羞的少女pose，含情脈脈期待張敬軒的告白！誰知張敬軒思考完一輪，最終只說出一句：「Do姐，起筷」，即刻打破現場的浪漫氣氛！

# 張振朗心形頹飯被集體嫌棄！

經過上一輪的比試，大家都對張振朗的地獄式廚技不抱期望，誰知他製作的竟是Ivana及Do姐都覺得太老套的心形粟米肉粒飯，被一眾女評判集體嫌棄！

延伸閱讀：

TVB《男神廚房》撼造星，首集已燒燶冒煙！湯洛雯表弟搶鏡，網民：睇張敬軒王菀之就夠

Text：Girlstyle Editorial
Photo Source：節目截圖