「其實女人30歲未嫁就真係玩完」？網民反擊結婚與年齡無關：睇你遇唔遇到啱嘅人姐！

年齡向來是女人的一大秘密，近日有網民在討論區發文，認為「女人30歲未嫁就真係玩完」，皆因30歲已步入高齡產婦，對男人而言是組織家庭的次選！不過，卻有不少網民留言反駁，認為組織家庭不一定要生仔，直言結婚與年齡無關，「睇你遇唔遇到啱嘅人姐」！

近日，有網民在連登討論區以「其實女人30歲未嫁就真係玩X完」為題發文，掀起網民熱論！樓主認為雖然女人到了30歲有可能仲可以keep到好靚，仲會有人追求，不過對方其實只想與她們發生關係，「想拍下拖，而唔係結婚」～

樓主解釋指，「30歲身體年齡已經開始步入高齡產婦，正常男人想組織家庭，你永遠都只係次選」！

# 網民反駁：組織家庭唔一定要生！

樓主的言論掀起不少網民熱烈討論！有網民認為其實很多女人都會選擇35歲前生，30歲還未算遲，再加上組織家庭不一定要生仔，反駁樓主「自己追唔到女就唔好幻想咁多」！

亦有網民認為樓主的理論只是建立在「女人必須依靠男人，人生先算完美或者幸福」這個前題上，質疑能否應用於現代女性身上～

# 網民：睇你遇唔遇到啱嘅人姐～

有網民反駁如果按照樓主的說法，大把男人都只想跟18歲的女生發生關係，而不是想跟她們結婚生仔，認為結婚的關鍵不在於年齡，「要結婚嘅幾時都有得結，睇你遇唔遇到啱你嘅人姐」～

另一網民亦同意，表示自己初頭都有樓主一樣的想法，但後來玩交友app多了跟30歲左右的女人傾計，發現「有啲都唔太mind單身成世，本身被動開嘅女仔就算到呢個年紀都唔會驅使佢哋主動」～網民補充，雖然她們都會想有伴侶，「但一定唔會為咗嫁得出而揾自己唔啱嘅人」～

# 網民：女士30歲後仍有market！

有網民表示「呢個年代嘅女士明顯keep得好咗」，加上男士需求大，「無女唔得」﹐認為女士30歲之後都依然有大把market！

其實年齡並不重要，最重要是遇到合適的人！大家又點睇呢件事呢？

延伸閱讀：

結婚3年無仔生，老婆崩潰爆喊吐出真相！原居民港男擔心無地起樓，考慮離婚再娶？

Text：Girlstyle Editorial
Photo Source：劇照、連登