奶奶想婚後住新界方便回家，港島女提議住九龍！傾唔掂分手收場？

結婚是開展人生另一個新階段，確實有不少現實問題要與伴侶相討，萬一兩人傾唔掂數，又會不會臨結婚前先分手收場呢？近日有網民在討論區發起討論，表示原來這個情況並不罕見，分享自己的朋友與表妹結婚前因為住屋問題而嘈交，最終結不成婚之餘，仲分手收場？

近日，有網民在香港討論區以「有幾多人因為傾結婚傾到分手，婚都結唔成」為題發文，掀起網民熱論！樓主表示發現原來這個情況並不罕見，並舉例指朋友曾因結婚後買樓的問題跟男朋友嘈交，最終結唔成婚！

# 奶奶想婚後住新界，方便男方回家？

樓主又指，朋友經歷完這件事後，又輪到自己的表妹因為傾唔成結婚後住邊區而分手！樓主解釋，表妹原本住港島，男友住新界，未來奶奶希望兩人婚後住在新界，方便男方回家！不過，樓主的表妹卻不願意，「佢想拎個中間位，住九龍，覺得公平啲」！

# 男友無為表妹爭取過！

樓主補充，「男方雖然一直無表態，但一直同我表妹講佢媽一定唔會讓步」，希望表妹理解他的母親～表妹深感委屈，更喊住跟樓主訴苦：「同我講男方無為佢講過說話、無喺佢媽面前爭取下」，最終兩人因傾不成這個問題而分手～

樓主對於表妹的故事感到可惜，「拍咗咁多年好唔容易行到結婚，但因為現實問題而要分手」～不過樓主諗深一層，又認為望落很小的一件事，但「男方只識從佢媽角度諗，無為我表妹諗過，夾硬結婚嘅話，以後遇到類似問題都唔會幫我表妹」～

樓主更表示「佢又唔諗下我表妹都有阿媽，佢阿媽都想我表妹住附近啦！」，質問「點解一定要女人就男人？」

# 傾結婚傾到分手唔出奇！

有網民留言表示傾結婚傾到分手的情況並不出奇，表示自己都有朋友「帖都派埋，6月中擺酒，5月尾分手」！亦有網民表示自己遇過另一半「講到最後層樓要加佢名，仲要比一個我估不到的禮金！」

# 網民：應該讓下老人家？

樓主表妹遇到的問題亦掀起網民熱論！有網民歸咎於樓主的表妹「唔識讓下老人家未來奶奶」，批評她「連最基本門面功夫都唔識做下，呢D女人娶到都喊三聲」！又認為結婚後只會「日日家嘈屋閉」！

# 網民：住九龍已經有讓步！

不過，大部分網民都覺得樓主的表妹提議住在新界和港島中間的九龍已經有讓步，「方便男女方各自返祖家」，認為是男方母親不講道理～亦有網民反駁「讓得一次，之後所有野不管合理唔合理，都會有人覺得理所當然繼續讓落去」，從而引發更多家庭衝突！

# 網民：簽紙前發生係好事！

亦有不少網民認為兩人結不成婚其實是好事，總比結成婚後要離婚好，「婚前如果大家嘅諗法唔同，方向不一致，將來會有好多磨擦㗎！」

延伸閱讀：

男友背女友玩交友app約異性出街！被撞破卻堅稱唔係出軌：只係flirt吓，識返女朋友身邊！

Text：Girlstyle Editorial
Photo Source：劇照、香港討論區