練美娟自爆失身年齡，單身4年鍾情大叔！大爆Anson Lo多女冧、Edan最鹹濕？

練美娟（娟姐）自從拍完Viu TV劇集《大叔的愛》後人氣急升，工作不斷！近日，娟姐擔任新一集《月傾會》嘉賓，接受主持人林柏希訪問！娟姐大爆自己的感情經歷，更直言自己鍾意大叔！不時與Mirror成員合作的她更大爆Edan休息時的舉動，直指他鹹濕？

# 娟姐覺唔覺得自己紅？

隨着娟姐人氣急升，近年的曝光率亦大大提升，不但在眾多節目上擔任主持，又頻頻接廣告、拍雜誌封面等等，工作接踵而來！林柏希在訪問開首單刀直入，問娟姐「宜家feel唔feel到自己真係紅紅地嘅感覺？」

娟姐解釋指自己不清楚怎樣為之紅，但直言真的有更多人認識自己，又憶述剛入行時都有主持一些節目，但「當時喺條街到行，係無人realize到你」～

# 大爆18歲失身，小學5年班初戀？

隨即，林柏希又問到娟姐的感情生活，娟姐大爆自己18歲失身，更表示「都合法嘅！死啦！我經理人抹緊汗呀！」她又透露自己的初戀是小學5年班，被林柏希笑指「有無咁大魅力呀？」娟姐則直言自己「鍾意戀愛啫！其實唔關魅唔魅力事！」

# 大爆鍾意大叔，上一男友大10年！

單身了4年的娟姐大談自己的理想型，原來娟姐並不喜歡小鮮肉，更直言「鍾意啲安穩感覺，我係鍾意大叔㗎」，舉例指喜歡類似強尼的類型，對上一個男朋友更大娟姐10年！

# 重演TVB女星姣錫人夫經過～

自爆完自己的感情生活後，林柏希重提娟姐在早前ViuTV節目《有酒今晚吹》上大爆親眼目睹一個TVB女星姣錫當紅人夫的事件！林柏希就叫娟姐重演事發經過並開名！娟姐立即面有難色，表示真的不能開名，只敢即場示範當時的場景，表示「嗰時我就諗原來娛樂圈係咁嘅﹗」

# 肥仔、伍仲衡二選一？

林柏希又追問，早前七師博大爆ERROR肥仔和音樂人伍仲衡暗戀娟姐，如果要二選一，娟姐會選擇那一個呢？娟姐立即回答指「我只能夠講肥仔唔啱」，解釋指「我真係介意我另一半矮過我，所以肥仔就即刻撥走咗㗎啦」～

至於伍仲衡，娟姐就表示拍節目時認識對方，兩人有交換電話，打算再約食飯，可惜後來兩人都忙碌就不了了之～不過兩人仍有發展空間，是未知之數！

# Anson Lo最多女冧、Stanley最小氣？

娟姐不時與人氣男團Mirror合作，問及拍攝港版《大叔的愛》時，Edan（呂爵安）、Anson Lo（盧瀚霆）和Stanley（邱士縉）當中，哪一位最孤寒、最小器和最多女冧？

娟姐立即回答「最多女冧一定係Anson Lo莫屬，無論青春少艾或者係已婚人妻，甚至我表姨媽都好鍾意佢！」

隨即，娟姐又大爆最小氣的是Stanley，「可能我同佢熟，佢成日都會對我小氣，例如有時預咗好多嘢嘅，佢會話：『唉，又無預我，娟姐～』跟住我會心諗：『男人老狗唔好同我計呢啲啦』～」

# Edan最鹹濕？

最後，娟姐表示真的不知那一人最孤寒，反而主動大爆三人之中最鹹濕的是Edan，直言「Edan血氣方剛，我成日見到佢平日休息嗰時喺到睇女仔嘅IG，我都成日話：『又昅女呀』，佢話：『睇下女仔啫～』」，表示Edan對異性最有興趣！

延伸閱讀：

ViuTV拍港版《雙層公寓》網民勁buy！娟姐單身4年舉手報名，學生時期絕對女神級

Text：Girlstyle Editorial
Photo Source：IG@fatboyyip, @linkuen13, @harryngchunghang, @stanleysc_, @edanlui, @ansonlht, 影片截圖