網民控訴去飲得一罐汽水，不准添飲！收集「去飲見過最寒酸嘅經歷」！

不少人出席親朋戚友的喜宴時都有遇過搞笑又新奇的趣聞！近日就有網民在連登討論區分享自己遇過最寒酸的經歷，表示在飲宴中每位賓客只得一罐汽水，不能再添，批評主人家寒酸！不少網民都紛紛留言分享自己去飲時遇過的寒酸經歷，其中一個更誇張到令網民質疑是否屬實？

# 一人只得一罐汽水，不能添飲！

近日有網民在連登討論區發文，收集網民試過去飲時遇過最寒酸的經歷！樓主就率先分享自己的經歷，表示「可能後生，去飲得少，有一餐特別深刻」，他憶述當時去到看見枱面有一人一罐汽水，但樓主未開席已經飲完！

開席後，樓主打算問侍應多拿一罐，誰知對方竟表示一人只有一罐！樓主不禁心諗「咁孤寒﹐飲嘢錢都慳埋」！就連樓主打算自費買多一罐都不行！結果，開席時樓主就只得熱茶和熱水飲，表示自己「飲咁多餐得佢係咁～」

# 頭盤係蝦餃燒賣？

樓主的經歷掀起網民熱烈討論，有網民表示：「呢啲比人講一世嘅嘢都肯做，人地應該諗過度過」～亦有網民分享自己遇過的奇怪經歷，表示試過去飲時，頭盤竟然是蝦餃燒賣，不過他卻認為好好食！

# 伊麵、橙汁要自付？

另一網民亦分享自己試過去飲時，主人家吩咐落：「啲蟹肉伊麵同橙汁要客人自己俾錢」，網民不禁質疑：「俾咗人情㗎喎！」

# 大快活擺酒？

另一網民表示自己有親戚窮到派帖叫人去大快活快餐店食lunch，「收幾舊水人情仲要自己霸枱，主人家企喺收銀機到負責俾錢！」他更表示：「之後對新人走去水吧問人拎盤水，逐張枱去『敬茶』！」

不少網民都留言表示這個經歷很好笑，但質疑事件是否真實！有網民表示：「唔係好信，但我想像個畫面笑到標眼水」！亦有網民建議「去酒樓食點心咪算，唔太核突又唔貴！」

# 網民批評不該嫌三嫌四？

不過，亦有網民批評樓主：「去飲人哋喜宴，不停嫌三嫌四，唔係真心祝福人」，認為「呢種人最寒酸」！

大家去飲時又有無遇過奇怪的經歷呢？

延伸閱讀：

港男呻「女友覺得拍拖洗費男女8:2太cheap」！哭訴前度從不用她付錢，反指男友咩都計住哂？

Text：Girlstyle Editorial
Photo Source：連登、劇照