港女嘆交往一年從沒跟男友接吻，感覺有距離感！網民：有啲人唔鍾意錫，覺得口水污糟？

親熱是大部分情侶之間的日常互動，有助拉近彼此之間的距離～不過，近日卻有女生在討論區表示，自己跟男友交往接近一年，但對方竟從沒有跟自己接吻？就算樓主主動要求，都只會蜻蜓點水式親吻，令樓主感覺同男友之間存在距離感！

近日，有女生在 Dcard 討論區訴說自己的感情煩惱，希望網民給予意見！樓主表示，自己跟男朋友交往接近一年，但男方從來沒有錫過自己！就算樓主主動，男友都只會錫下臉頰，或者蜻蜓點水錫一下嘴！

深感不解的樓主亦有親自問過男友原因，但男方直接回答指「我唔想錫、唔鍾意⋯⋯」樓主明白要尊重男友的意願，只好一年來都忍住不跟他親熱！同時，樓主亦發現自己對男友幾乎零性慾，猶疑「會唔會係因為佢唔錫我所以我先對佢冇乜性慾？」

樓主補充，除了親熱的問題外，男友在其他方面都對自己很好，雙方價值觀亦相似，樓主坦言「唔想因為呢樣嘢要分開，但無kissing呢樣嘢又令我覺得同佢有種距離感」，樓主認為長遠下去不是辦法，希望網民提供意見！

# 網民：分唔清朋友同女友分別？

樓主的經歷掀起網民熱論，有網民分享自己類似的經歷，表示自己跟前度的感情都好好，但交往了兩年多都沒有親吻，就連錫臉都沒有，後來網民才發現原來對方「根本分唔清frd同女朋友嘅分別」～

# 「唔鍾意」唔係真正原因？

亦有網民認為男友表示「唔鍾意、唔想錫」根本不是背後真正的原因，質疑男友「係咪怕尷尬唔敢講，定係有其他原因」，又認為樓主跟男友的親密互動似「友伴式」，甚至是「只得責任嘅愛情」，認為「如果好多嘢都唔可以放上枱傾，咁要考慮下你哋之間係咪真係可以走得遠」！

# 不少網民都表示不喜歡接吻！

不過，亦有不少網民表示自己其實都不太喜歡接吻，「唔鍾意口水掂到我個嘴，有時都會擰開個頭or蜻蜓點水」、「有啲男仔唔中意口水，覺得污糟」，不過網民就認為不喜歡接吻絕不代表不喜歡另一半！

大家又點睇呢件事呢？

延伸閱讀：

港女剖白自己出軌很內疚但有苦衷！遭網民狠批出軌仍大條道理、藉口多多！

Text：Girlstyle Editorial
Photo Source：劇照，Dcard討論區