姜麗文花盡積蓄出碟，曾窮到買唔起士多啤梨！大讚爸爸秦沛偉大，傾盡身家爭兩兄妹撫養權？
秦沛女兒姜麗文近年憑《愛．回家之開心速遞》的外傭Lisa一角成功入屋，又在《星空下的仁醫》飾演病童母親一角大獲好評！出道多年，總算捱到出頭天，姜麗文憶述剛以歌手身份出道時，窮得連士多啤梨都買不起，卻沒想過要爸爸幫忙，又透露爸爸當年為了爭兩兄妹的撫養權而傾盡身家，十分偉大！
耗盡20萬積蓄出碟！
姜麗文（Lesley）早前接受商台訪問時，重提與與哥哥姜文杰當年以獨立歌手出道的辛酸！Lesley憶述，出道初期與哥哥製作3首歌的EP，很快就耗盡20萬的積蓄：「唔止要租錄音室，仲要請樂手、請攝影師影相、拍MV，拍MV仲要請服裝、化妝、整頭，我哋又要交租，其實唔係有咁多錢」～
Lesley更透露第一年出道只賺了萬幾蚊，才發現當獨立歌手的難處，「有時我對自己嘅音樂太大希望，但結果外界無咩反應，自己又唔識做宣傳，錯過咗好多機會，係會好唔開心」！
試過窮到士多啤梨都買唔起！
耗盡積蓄搞音樂的Lesley更回憶「試過窮到去超市，好想食士多啤梨，但見到要5、60蚊，買唔起，結果喊住咁走！」Lesley亦慶幸當時爸爸秦沛不知道此事，形容當時「覺得好辛苦！」
從未請求爸爸資助：憑咩用佢咁多年儲落嘅錢？
Lesley坦言當歌手的7年中，與哥哥從未請求爸爸資助，「因為阿爸實在太勤力賺錢，特別係依家佢76歲，我憑咩用佢咁多年儲落嘅錢呢？佢依家應該要用呢啲錢同媽咪（繼母）去享受二人世界、去食好嘢、去旅行，我自己生存到就無問題～」
轉戰演員，無諗過要爸爸「搭路」！
其後，Lesley決定由獨立歌手轉戰演員，於2017年加入TVB重新出發，「做獨立歌手做咗好久，又窮又好耐無上電視，就想嘗試演戲」～
不過，Lesley亦從沒想過要爸爸秦沛「搭路」，「我係簽約個日之後先同爸爸講，大家都話爸爸會幫到我，但我唔知，亦無諗過～」Lesley更表示不介意角的大小，只要有機會就會珍惜！
秦沛為爭兩兄妹撫養權，耗盡全副身家！
談及姜氏兄妹與爸爸的關係，Lesley就形容爸爸其實好sweet！更憶述當年親生媽媽梁盛子在自己一歲前就已經離開，「我唔會嬲，但真係對佢無任何感覺」～當年，秦沛為了爭兩兄妹的撫養權而耗盡全副身家！
Lesley更憶述，當年秦沛憑《癲佬正傳》贏得金像獎最佳男配角，但卻因爭撫養權而「即時變窮」，「當時阿爸有咩工作都接，我哋都喺片場見證爸爸拍戲嘅辛苦，就係為咗養家，佢真係好偉大、無得頂！」
秦沛對兩仔女嘅付出真係好偉大，希望Lesley繼續拍多啲好作品界大家睇啦！
延伸閱讀：
Text：Girlstyle Editorial
Photo Source：IG@lesleychianglove
❣️ 立即 Follow 我們的 Instagram girlstyle.mag
✨GirlStyle 女生日常手機應用程式正式登陸 App Store 及 Google Play✨ 👉 立即下載
