傳Mandy Lieu抵押逾億半山豪宅幫洗米華還債！有情有義定轉移資產？網民猜測背後原因應該係咁！

澳門娛樂大亨周焯華（洗米華）早前因涉嫌在內地發展不法博彩事業被捕，近日有傳洗米華的前情人Mandy Lieu於洗米華被捕前20多日將名下逾1.2億的西半山豪宅，抵押予新濠博亞（澳門）股份有限公司，懷疑用作抵欠公司的債務，獲網民大讚「有情有義」，同時亦有網民質疑Mandy是想處理好香港的物業，轉移資產到英國？

Mandy Lieu抵押西半山豪宅還債？

澳門娛樂大亨洗米華被捕後，有傳前情人Mandy Lieu在11月4日將自己名下的西半山豪宅「珒然」的高層單位抵押予新濠國際旗下的「新濠博亞（澳門）股份有限公司」，事件曝光後有網民懷疑Mandy是想用作抵欠該公司的債務！

Mandy Lieu以9,132萬買入西半山豪宅，現市值達1.2億！

洗米華被爆於2014年背「洗米嫂」陳慧玲（Heidi）偷食有「最強小三」之稱的混血模特兒Mandy Lieu，兩人其後更不理外界閒言，開展長達5年的戀情！

而Mandy Lieu亦於同年以逾9,132萬元買入西半山豪宅「珒然」高層一個實用面積達2,182方呎的單位連車位！Mandy更是該物業的唯一業主，過往未曾將物業承按或抵押借貸～按最新交易估計，該單位現時的市值已經高達1.2億元！

收3億分手費，移居英國搞莊園？

其後，Mandy Lieu為洗米華誕下兩女一子，但於2019年驚傳洗米華給Mandy 3億元作分手費，Mandy於是帶同子女移居英國開展新生活，更斥資2億買入莊園，開拓有機食品農業的生意！

與正印Heidi重修舊好！

洗米華更曾發誓自己「只有一個周太」，與正印Heidi重修舊好！不過，就算有傳洗米華跟Mandy Lieu已分手，但Mandy亦曾表示跟洗米華「永遠都是一家人」！

至於洗米華的正印Heidi，早前就被網民發現其Facebook帳號已經刪除所有與洗米華的合照，只保留IG帳戶的合照，並轉為私人帳號！

網民讚Mandy Lieu有情有義！

對於曾經為爭奪洗米華鬥得你死我活的Heidi和Mandy Lieu，有網民就表示「Mandy就賣樓救夫，嗰頭洗米嫂就咩都del曬」，亦有網民大讚Mandy Lieu「有情有義」、「Respect」，更表示「我開始明點解男人要包二奶」、「聽説結婚嗰位係婚外情，婚外情嗰位先係真愛」～

網民猜測Mandy Lieu賣樓背後真正原因！

不過，亦有網民猜測Mandy Lieu抵押物業的背後真正原因，表示「宜家唔賣，遲啲直接充公」、「層樓係佢名就真係佢嘅咩」、「唔係真係以為佢想賣呀？幫洗米華代keep渣？後備銀包！」亦有網民認為「因為二奶做野先有機會轉正，大婆無得再提升」、「放長線釣大魚啫」～

網民力撐正印Heidi！

亦有網民力撐正印Heidi，表示「偷完食仲想人對自己好？真係大諗頭，唔篤佢灰算係咁啦！」、「正路啦﹐你老婆出面有二個男朋友，佢出事你都懶得幫佢啦！」、「包二奶仲想大婆幫佢咩」！

不過直至目前為止，Heidi尚未有作出任何回應，而Mandy Lieu抵押名下物業亦未有交代用途，一切傳言都只是大家的猜測！

延伸閱讀：

【洗米華收監】洗米嫂曾提離婚,刪光全部合照 ？一經定罪，夫妻或要分擔債務？網民：看來Mandy才是大贏家！

【洗米華被捕】洗米嫂擁多項物業與老公財政獨立 Mandy Lieu 收3億分手費英國種蘋果

Text：Girlstyle Editorial
Photo Source：IG@heidi.honey, @mandylieu_official, FB@mandylieu