張秀文未婚夫曾兩度提出送樓，嫌貴拒絕？計劃買樓多年：想有磚頭，但唔係靠人送！

現年34歲的張秀文上月宣布與拍拖一年的金融才俊男友王大權（Billy）拉埋天窗！多年來已有置業打算的張秀文近日接受訪問時，自爆未婚夫曾兩度主動提出送樓，助她達成置業夢！不過，張秀文卻坦言不想靠人送樓，加上嫌貴而兩度拒絕？

張秀文早前在IG分享與圈外男友Billy的婚紗照，宣布婚訊！有指，Billy是「皮草太子爺」王大業的堂弟，近年更自立門戶做生意，年賺逾千萬，相當有本事！

未婚夫Billy曾兩度主動提出送樓！

近日，幸福準人妻張秀文接受訪問時就提及與未婚夫Billy的婚事！張秀文提到不介意男方畀多少禮金，認為結婚並非交換條件，更自爆Billy曾經兩度主動提出送樓！張秀文解釋指，未婚夫Billy睇過自己為TVB節目《我要做業主》作客，大談年輕人在香港置業的難處！

Billy當時直言想幫張秀文達成置業夢，但卻被她笑着推搪：「節目嘅嘢你都信？」一向節儉勤力的張秀文坦言自己「真係想有磚頭，但唔係靠人哋送！」

後來，Billy睇中了黃竹坑一個豪宅新盤，又再主動向張秀文提出送樓！不過，張秀文就覺得樓盤太貴再度拒絕，「第日揀啱先算啦，可能第日家庭多咗人口要搬呢！」她又坦言自己不心急要磚頭，「保持住首置條件買樓會有優惠！」

張秀文又自爆目前已經搬入男方的豪宅：「間屋無加埋我名，佢見我咩都無，就話：『依家結婚將我送畀你，我有嘅嘢，有一半都屬於你！』呢句真係幾感動嘅，其實佢愛我已經好有安全感！」

圈中慳家妹多年前已計劃買樓！

公屋出身的張秀文是圈中出名的慳家妹，初入行時收入不穩更曾住過劏房，直至近年工作漸穩，以萬多元在九龍城租住兩房單位！多年來勤力工作，慳得一蚊得一蚊的她多年來已萌生置業的念頭，不過就曾坦言上車盤都未必負擔到！

她曾在《我要做業主》節目中坦言好難儲錢：「就算一年儲到十萬、廿萬，擺吓擺吓都係得十零廿萬」！雖然已經儲了多年錢，但亦自覺進度緩慢，加上疫情下收入減少，令她的儲蓄狀況更不理想！

當時，張秀文亦有考慮按揭，但後來又發現自己份糧過不到壓力測試，只好打算結婚後與另一半合力買樓，或者買細一點的單位出租，用以覆蓋自己供樓的開支！

圈中女星收樓不罕見？

事實上，圈中不少女星都曾經收過物業作為禮物！有傳2010年港姐冠軍陳庭欣就收過擁10億身家的彩豐行老闆楊振源男友價值逾千萬的黃大仙現崇山單位作禮物！

亦有指梁洛施當年為富商李澤楷誕下3子後，獲贈價值逾5億的石澳豪宅！

而林青霞60歲生日時，亦獲香港思捷環球前CEO邢李㷧丈夫送贈逾11億嘅半山豪宅！

雖然張秀文最終甜蜜嫁城中筍盤Billy，但卻兩度拒絕收樓，看來依然未放棄靠自己的努力上車！

延伸閱讀：

34歲張秀文秘密閃嫁金融才俊王大權！曾疑陷入四角戀，未婚夫年賺千萬大起底！

張秀文撻著富二代王大權入馬場拉頭馬！男友家底豐厚年賺逾千萬、堂哥是他？

Text：Girlstyle Editorial
Photo Source：IG@isabella.leong，@toby_yanyan，@sammicheung926，微博@ 林青霞，節目截圖