港女從小被教育，要為老公打理家務、不能有異性朋友！被男友批評思想守舊，網民質疑性別定型？

傳統觀念提倡「男主外，女主內」，認為女生本應安守婦道，打理家頭細務！如果將這套想法應用在現今社會中，又是否過於守舊呢？近日有女生在討論區發文，表示父母從小教育她要幫長輩手、為老公打理家頭細務、不能食煙飲酒、不能有異性朋友等等，卻被男友批評思想太守舊？

被男朋友批評守舊？

近日，有香港女生在Dcard討論區發文，表示被男朋友批評她「份人好守舊，落後思想」！樓主舉例指，自己從來不會出街飲酒，因為覺得好危險！出街時，她表示不想太夜回家，但男友就會認為「10點仲好早」！

除此之外，樓主亦會諗辦法氹好男朋友的父母，「想做個好女友，所以上佢屋企會幫手煮飯洗碗」！不過，男朋友就覺得樓主「好麻煩、咩年代」，不讓樓主做～

要為老公打理家頭細務、不能有異性朋友？

樓主又補充，由細到大屋企人都教她要幫長輩手、要為老公煮飯洗衫、打理家頭細務！同時又不可以食煙飲酒、亂搞男女關係，甚至除了伴侶之外，不可以有其他異性朋友！

樓主的男朋友覺得她思想落後，「叫我唔好做呢啲，佢話做人應該自由啲，唔好限制自己係女仔就要做啲咩！」不過，樓主卻不能理解男朋友的諗法，因此請網民給予意見～

有網民欣賞樓主嘅諗法～

樓主的經歷掀起不少網民迴響，有網民認為樓主的父母有教導她成為一個「好孩子」，到人哋屋企都會覺得她有教養！不過又認為樓主不用太過份，「大時大節去人屋企食完飯幫下手就冇問題」，但不必每日做～

亦有網民欣賞樓主的諗法，認為樓主的男朋友之所以會嬲，是因為男方不想樓主認真對待這段感情，「因為佢想隨時走，講到尾：人夾人啦」～

網民質疑性別定型：女人一定要打理家頭細務？

不過，亦有不少網民認為樓主有「性別定型」，網民表示：「邊個話女人一定要幫老公煮飯洗衫、打理家頭細務，男人做唔得咩？」、「呢啲係典型既性別定型，係90年代遺留落黎既『傳統』，其實依家已經唔需要再咁樣」、「其實你都真係好守舊，好似生活係古代 啲男尊女卑嘅時代」！

網民：拍拖唔代表唔可以有異性朋友！

關於異性朋友的部分，不少網民都認為「呢個世界唔係男就係女」，認為拍拖後不能跟異性太親近，但不代表不能有異性朋友！

雖則如此，網民覺得雖然屋企人將傳統觀念的性別定型灌輸在樓主身上，但並不代表有問題，「如果你係發自內心覺得咁樣你會開心嘅，我係你男朋友就會覺得冇所謂」，只要樓主覺得舒服就可以！

大家又點睇呢件事呢？
Text：Girlstyle Editorial
Photo Source：劇照、Dcard

延伸閱讀：

網民盤點「男仔約女仔出街會扣分嘅行為」！步速太快/身體有異味/太多不必要身體接觸？

網民綜合遲遲未出Pool「單身症候群」7大症狀！習慣一個人/佛系等待愛情/假裝不想談戀愛？