張寶兒與老公常因家務爭執：我天生唔係做家務材料！袁偉豪自爆花盡積蓄娶老婆！
適逢袁偉豪和張寶兒結婚一周年，兩人特意到酒店staycation慶祝！近年積極發展YouTube頻道的張寶兒更全程拍vlog紀錄與老公的甜蜜時光～兩人更即興回顧一年的婚姻生活！當中，袁偉豪更坦言自己「人生第一桶金就係娶咗張寶兒做我老婆！」
袁偉豪和張寶兒check in酒店房後，就跟大家介紹房內的格局和設備～參觀到睡房時，負責揸機的袁偉豪就影住雙人床，笑指：「呢個就係我哋週年紀念嘅主菜啦，大家明啦！」而身旁的張寶兒亦不甘示弱，立即表示自己才是主菜！兩人甜蜜互動，大放閃光彈～
張寶兒：我生出嚟就唔係做家務嘅材料！
第二日，袁偉豪和張寶兒一邊食下午茶，一邊回顧一年婚姻生活的感受！袁偉豪就表示覺得結婚之後兩人相處比拍拖時舒服～他解釋指：「因為一來我哋有咗一個家，又請咗工人姐姐，所有嘢都變咗工人姐姐做，就再無爭執～」
張寶兒亦同意兩人以前大部分爭執都是因為家務而起，「因為我好想幫你手，但係我真係好唔識做家務」，笑指自己好心幫忙，但卻搞砸，更表示：「所以我一向都話我生出嚟就唔係做家務嘅材料！」
相處之道：透過溝通去了解彼此諗法
張寶兒亦表示，兩人另一個相處之道是要透過溝通去了解彼此的諗法，而且在娛樂圈時間增加，亦令她逐漸體諒到另一半拍親熱鏡頭的情況！
兩人結婚後，張寶兒亦嘗試理解袁偉豪的消費模式，表示：「你鍾意買車、買玩具，係因為你覺得細個無能力滿足到自己，所以當你一有能力就全部都買返嚟」～不過，張寶兒就坦言在自己的角度，會覺得：「你都捱咗咁多年，當你有一筆資金嘅時候係咪應該好好去投資呢？」
袁偉豪：我人生第一桶金就係娶咗張寶兒做我老婆！
識做嘅袁偉豪亦立即打圓場，表示「我投資咗啦，投資咗喺你身上啊～我人生第一桶金就係娶咗張寶兒做我老婆！」甜蜜對話氹得張寶兒心花怒放～
袁偉豪解釋指﹐自己的事業自2016年開始有起色，終於賺到錢養家，直至2018年息影了一年半與張寶兒到處旅遊玩樂，「入行22年，好似係回饋畀自己嘅假期」～他又指：「到最後決定結婚啦，老實講結完婚真係就快使哂我要使嘅錢」！
雖然袁偉豪表示當年娶張寶兒過門時，花了很多積蓄去處理很多事，但卻坦言「呢個係一個非常大嘅滿足感嚟！」可見兩人的感情的確非常甜蜜幸福！
Text：Girlstyle Editorial
Photo Source：YouTube截圖、IG@_bowiecheung
延伸閱讀：
❣️ 立即 Follow 我們的 Instagram girlstyle.mag
✨GirlStyle 女生日常手機應用程式正式登陸 App Store 及 Google Play✨ 👉 立即下載
