鄭欣宜坦言笑着面對負評不容易：因為藝人都係人！自小熱愛表演，反被家人指「發明星夢」？
鄭欣宜（Joyce）是香港著名的星二代，自小憑父母的知名度獲得不少電視節目演出的機會～不過，Joyce的星途並沒有想像中平坦，多年來飽受觀眾負評，承受了不少壓力～她近日亦在ViuTV節目《歌手‧門》中，分享入行多年的心路歷程～
現年34歲的Joyce入行多年，近日登上ViuTV節目《歌手‧門》作客，分享自己入行以來成為歌手的路！節目組特意安排Joyce參觀一個專屬自己的展覽，展出內容包括網民對Joyce的評價、歌詞和畫作等等～
作為著名演員肥姐沈殿霞和鄭少秋的女兒，Joyce自小已經獲得不少節目演出機會～但卻因為「星二代」的形象根深蒂固，加上自小似足肥姐肥嘟嘟相當可愛，多年受盡不少網民抨擊，星途並沒有想像中易行～
《擁抱愛》一曲別有意義！
在《歌手‧門》節目中，Joyce看到自己曾獻唱的《愛回家》主題曲《擁抱愛》其中一句歌詞：「在世界遮風擋雨有一種愛」～她不禁有感而發，表示《擁抱愛》一曲對自己非常重要，「呢首歌就好似救生圈咁，出呢首歌個幾年正正喺我事業最霉嘅時候，佢幫到我繼續有工作同埋大家無忘記我」～
肥姐多年來不斷以歡樂感染觀眾，Joyce亦遺傳到肥姐對演藝事業的熱誠，自小就好鍾意娛樂大家，更表示：「如果可以令到大家笑或者拍手掌，咁就係我最開心、最有滿足感嘅事」～
Joyce：屋企人都覺得我發明星夢？
雖然Joyce的父母同樣是藝人，但她卻表示：「連我嘅屋企人都覺得我發緊明星夢」，她表示明白家人的出發點，不希望她走一條好難行嘅路～加上身為家中的獨身女，自小受年老的婆婆照顧，「佢極力唔畀我出街，我唯一一個娛樂，就係對住塊鏡唱歌扮嘢，所以好想大個都做呢樣嘢！」
入圍叱咤「我最喜愛的女歌手」最後五強！
近日，Joyce入圍叱咤「我最喜愛的女歌手」最後五強，她坦言自己初出道時是大家眼中「最不喜愛」的歌手，現在有幸入圍「最喜愛」的五強已經當自己贏了～
網民連登向欣宜道歉！
近日更有網民在連登討論區以「有冇人想幫欣宜平反」為題發文，表示當初因為人云亦云而取笑Joyce，抹殺了她的努力，「依家要同你講返一聲對唔住，其實佢係好唱得、壓到台」，更大讚Joyce是現今香港少有的實力唱將！
不少網民都紛紛留言，大讚Joyce「佢入到行可能係靠關係，但做到今日咁嘅成績係靠佢自己」、「比人笑左禁耐仲禁positive」！亦有網民讚揚Joyce擔任《全民造星》評判時的表現，「有料又俾到意見參賽者，今年欣宜幾首歌都好高汁，值得攞女金」！
Joyce坦言面對負評唔容易～
雖然Joyce多年來面對負評都正面地笑着回應，但Joyce在節目中就坦言其實並不容易，「就算我畀你不斷鬧，都堅持笑係好難。不過我覺得係磨鍊，如果我出道唔係咁嘅話，可能我宜家會好囂張、覺得自己好勁」～
Joyce又坦言，有時見到負評真係會好痛，「我話『唔會影響到我』、『已經習慣咗』呢啲都係廢話～係唔會有習慣嘅一日，因為藝人都係人，會睇係正常嘅」！
雖然多年來面對不少負評，但相信大家都會看到Joyce的努力！
Text：Girlstyle Editorial
Photo Source：節目截圖、IG@princejoyce
延伸閱讀：
❣️ 立即 Follow 我們的 Instagram girlstyle.mag
✨GirlStyle 女生日常手機應用程式正式登陸 App Store 及 Google Play✨ 👉 立即下載
