港男與心儀對象第一次約會食雙餸飯！打算夜晚食buffet，誰知女方趁去廁所中途離去？

近日，有男生在Dcard討論區發文，表示自己與交友App認識的女生第一次約會，樓主帶女方到附近食雙餸飯的餐廳用膳！誰知，女方卻以去廁所為由掉低樓主自行離去！慘被撇低的樓主深感不解：「請問雙餸飯真係好失禮咩？」

近日，有男生在Dcard討論區發文，他表示自己12月頭在交友App認識一個女生，兩人一直都有不少話題，亦有好感，甚至愈來愈曖昧～

第一次約會食雙餸飯？

樓主在Boxing Day當日成功約到女方出街，因為兩人都未食早餐，打算先去食飯！樓主憶述兩人途中都有講有笑，「我問佢食咩佢又話無乜所謂，咪同佢去附近間賣雙餸飯嘅餐廳食個quick lunch，醫下肚囉」～

女方以去廁所為由離去！

誰知兩人入到餐廳之後，女方卻表示想去廁所，叫樓主先買嘢食！當樓主點好餐，等候女方回來時，「等咗佢成半個鐘都未出嚟，我以為佢係咪喺入面出咗事，Signal 佢又唔應機，打比佢又唔通」，後來甚至Block了樓主！

樓主解釋因為餐廳並沒有廁所，要行到附近的商場先有廁所，「時間耐少少都合理，點知原來佢已經一早走咗人」，樓主最後只好打包兩個飯盒返屋企食！

樓主不解：雙餸飯真係好失禮咩？

約會途中慘被撇低的樓主深感不解，「請問雙餸飯真係好失禮咩？ 價廉物美，又多選擇，都係食個lunch姐」！樓主又質疑女方：「唔啱食咪出聲囉，轉場去食omakase都得架，點解要就咁走咗去咁無禮貌喎」！

樓主更表示其實原本打算跟女方出來玩全日，沒想到女方卻中途離去，「我晚上仲book 咗去東方文華同佢食buffet，而家唔洗啦，晚上我食埋佢剩低果盒飯算喇...」

網民：有可能係外貌問題？

樓主慘痛的經歷掀起網民熱論，有網民質疑女方可能是外貌協會，看到樓主的真人後決定離去～不過，樓主就表示自己「拍過4次拖都無比人嫌過樣衰，身高體重就178/65」，估計自己應該唔係外表出事，亦質疑女方「起碼都話個死因比我檢討下啦」！

網民：憑實力單身！

不過，網民都一致認為樓主不應該第一次同心儀對象出街就食雙餸飯，表示樓主憑實力單身：「第一次約人出嚟，求其都唔會係雙餸飯」、「雙餸飯本身冇問題，問題係第一次約喎，普普通通一間餐廳都應該要啦」、「雙餸飯，仲要第一次約，請我都唔食啦」～

網民批評女方無禮貌？

亦有網民批評女方的做法缺乏禮貌：「個女仔又話冇所謂，唔鍾意食都唔駛粒聲唔出就走咗，一啲禮貌都冇」～

網民：一餐飯睇清人格！

亦有網民認為樓主應該慶幸用一餐飯就看清女方的人格：「咁嘅人做女朋友都唔方好，遲早都係分手啫」、「一餐雙餸飯就試到對方人格，早d知到都係好事黎既」～

大家又點睇呢件事呢？
Text：Girlstyle Editorial
Photo Source：劇照、Dcard

延伸閱讀：

單身女拍片列20樣擇偶條件，希望38歲前搵到白馬王子！網民直指無可能：擺到48歲都嫁唔出？

港女結婚想另一半買求婚戒指，男友斥過分！只肯去鴨療街買$150的便宜貨，否則就取消婚禮？