港女懷疑自己做第三者，跟蹤男友發現驚人真相！得知男友正印真實身份，無法接受？

發現自己原來是第三者，相信不少女生都會十分震驚！近日，有女生在香港討論區發文，分享自己無意介入別人感情的經歷！最震憾的是，樓主親眼目睹原來男友的正印竟然是男生，令她難以置信？

樓主先交代背景資料，表示跟男友在11月尾開始交往，男方一直對樓主很好、溫柔體貼，相當遷就她！不過，樓主的男友平日要等到晚上9點之後先找她，並解釋指「佢返工好忙，搭車果陣都想休息下，所以會翻到屋企先搵我」！

聖誕節唔陪樓主？

樓主初時都無為意，覺得男友的解釋好合理～直到聖誕節前一個星期，樓主打算跟男友計劃聖誕節的活動，「始終都係我地第一個一齊過嘅聖誕節」，誰知男友「沈默咗一分鐘」，然後表示「聖誕節果日要同屋企人去報佳音」。

樓主得知男友不能陪自己過聖誕後，已經心知不妙，「我唔敢問咁多嘢，就算心入面有疑問都唔出聲」！

發現男友疑似一腳踏兩船？

除此之外，樓主更發現男友疑似一腳踏兩船的蛛絲馬跡！她憶述自己有幾次在男友的手機通知入面，看到有一個名為「豬豬B」的聯絡人名稱～更加令樓主懷疑男友是不是有女朋友！

「豬豬B」原來係⋯⋯

樓主試過幾次想開男友的手機睇都唔成功，問起男友的前度都只會一句起兩句止﹐令樓主懷疑男友根本未同前度分手！於是，樓主決定請半日假，跟蹤男友收工後的行程！

樓主發現男友收工後，留在公司樓下接近45分鐘都未走，其後更有一個男仔走近，並跟他打招呼！樓主初時以為是男友的朋友，點知「個男仔竟然鍚左我男朋友塊面一啖！我以為係自己睇錯，始終大街大巷應該唔會咁明顯？但係佢哋之後竟然十指緊扣拖住手咁樣離開」。

最後，樓主先發現原來「豬豬B」係男人，「原來佢嘅前度唔係前女友，原來我真係做左人哋第三者⋯⋯」樓主坦言對事件感到太震驚，甚至不敢跟朋友說！

網民回應：真係好震驚！

樓主的經歷掀起不少網民熱論，有網民認同事件真係好震驚，表示「人生難得碰上『萬能插』，你可以去買六合彩喇」！亦有不少網民建議樓主分手，認為對方只是當樓主是水泡！

亦有網民質疑會唔會其實正印係女仔，只不過遠睇似男人？另一網民則笑指「可能佢哋想要個有血緣嘅Bb」～

大家又點睇呢件事呢？
Text：Girlstyle Editorial
Photo Source：香港討論區、劇照

延伸閱讀：

新娘、姊妹表面和諧，原來各有不滿！伴娘慘成中間人：知道得太多，捲入是非之中？

女生送平價銀包畀男友當聖誕禮物，慘被嫌cheap！坦言男友反應令人心淡，網民斥男友唔尊重！