港女因放假遲起身惹未來奶奶不滿！表面關係良好，原來暗地裡講新抱壞話？

相信不少女生都面對婆媳糾紛的煩惱~近日，有正在計劃結婚的女生在討論區分享，自己原本跟未來奶奶的關係不錯，不過近日搬到男友的屋企同居，竟然因為放假時遲起身而惹奶奶不滿！更意外偷聽到奶奶講自己壞話？

樓主與未來奶奶關係良好！

近日，有女生在Dcard討論區發文，分享與未來奶奶之間的衝突~樓主表示，自己跟男友正計劃結婚，已經見過雙方的家人，相處良好！樓主又表示未來奶奶和老爺都好錫自己，「去佢屋企，佢地會煮好野比我食，又買靚生果，我都會幫手入廚房洗碗~」

不過，因為疫情的關係，樓主跟男友的婚禮延後，樓主近日搬到男友的屋企同居，沒想到逐漸出現婆媳糾紛！

偷聽到未來奶奶講自己壞話！

樓主表示，自己平日都會遲起身，「放假大概 11﹑12點醒，直接食lunch」，誰知某一個週末，男友因為約了同事打高爾夫球，一大早就不小心將樓主嘈醒，令她無意間偷聽到未來奶奶講自己壞話！

放假遲起身，惹奶奶不滿？

未來奶奶向樓主的男友提問樓主打算瞓到幾點，又表示︰「淨係識瞓，點持家啊」﹑「人人返工都攰㗎啦，唔見我起唔到身？」﹑「算啦佢都幫唔到啲咩，唔洗嗌醒佢啦！唉」~

樓主原本以為與未來奶奶關係良好，從沒想過原來奶奶咁諗自己，深感不解︰「我都係返工好攰，想抖下姐，有咩問題？」

網民一致建議搬出來住！

雖然未正式結婚，但未來奶奶已經對樓主的作息時間有意見，不少網民都提議樓主結婚之後要搬出來住，千萬不要跟奶奶同居！亦有網民表示，如果假日想休息，最安全都是回娘家，「對住奶奶點都要識扮客氣」！

亦有網民安慰樓主，表示雖然未來奶奶的說話很難聽，但樓主都不要被她影響到與男友之間的關係！

網民分享與奶奶相處的小Tips？

另一網民則認為婆媳之間點都會有磨擦，不過樓主的奶奶願意維持關係，只係背後話樓主幾句已經算難得！亦有網民分享自己與奶奶相處的小Tips，表示始終住人哋屋企，要做好表面功夫，更不能繼續用「女朋友」嗰套同奶奶相處！

雖然婆媳糾紛的確很難解決，但希望樓主不要過份介懷，找到與未來奶奶相處舒服的方式吧~
Text：Girlstyle Editorial
Photo Source：劇照、Facebook

延伸閱讀：

台女連生3女，被奶奶怨只生「賠錢貨」！痛斥新抱生唔到仔，好吃懶做、拖累兒子？
台女因「長得好看」慘被分手！男友參加婚禮後醒覺：生得好看嘅女仔唔適合結婚？