港女IG打卡，追求者半小時後出現 希望再續前緣？樓主警世：離開左個地方先好po story！

不少女生都喜歡在IG分享日常生活，限時動態的功能更可以即時分享自己去過的地點，十分方便！同時亦有機會為女生們帶來麻煩！近日有女生憶述，自己到Cafe做嘢時打卡，沒想到大半年前的追求者竟然跟着Story來到樓主面前，嚇壞了樓主？

近日，有女生在Dcard討論區發文，表示大半年前被一個男仔追求，「佢追我嗰陣就係咁搵我，一開始我都抱住了解下嘅心態，但發現真係冇feel，冇得勉強就慢慢fade out」～不過，男方依然不斷搵樓主，又回覆她的動態～

面對男方不斷追求，樓主選擇冷處理，避免與他有接觸～直至最近，樓主剛「出pool」，與男友穩定交往！

IG Story打卡，標籤了地點？

不過，樓主憶述早幾日獨自去Cafe做嘢，見環境美麗就影低喺IG Story打卡，並標籤了地點～沒想到，半個鐘之後，追求樓主的男生卻突然出現，直接坐在樓主對面，一直偷偷看着樓主！

睇咗樓主Story，特登嚟搵佢？

樓主憶述當日，男生突然出現令她十分害怕，「唔知點解佢會出現，以為佢係咁啱都嚟cafe做野」，沒想到過了一會兒，男方竟然傳信息給樓主，「話睇咗我story特登嚟搵我，想同我傾下，好想同我再有機會發展」！

樓主警世：離開左嗰個地方先po story！

樓主表示，男方一直偷偷望住自己，令她渾身不自在，甚至「畀佢望到好頭痛」！最後，樓主忍不住叫男朋友來接她，「希望佢見到我男朋友可以放過我」！更給予其他女生警戒：「大家真係小心啲好，離開左嗰個地方先po story」！

網民：恐怖情人？

不少網民都留言表示樓主的追求者好恐怖，更直言是恐怖情人的特徵！建議樓主平時去邊最好同男朋友或朋友講聲，甚至有網民建議樓主隱藏自己的Story，不被男方看！

亦有不少女生表示自己通常不會即時Po Story，往往會準備離開時，先Post～

有網民覺得樓主都有責任！

不過，亦有網民覺得樓主對這件事都有責任，認為樓主對男方無feel，選擇「fade out」慢慢疏遠對方，而沒有直接拒絕，有機會令男方誤以為自己仍有機會！

Text：Girlstyle Editorial
Photo Source：劇照、Dcard

延伸閱讀：

台女因「長得好看」慘被分手！男友參加婚禮後醒覺：生得好看嘅女仔唔適合結婚？

港男供女友外國讀碩士，畢業後拒絕回港提移民！男方拒絕竟被分手，驚覺：原來我只係提款機？