姜濤紀錄片《答案》最終章，重返母校親揭自卑黑歷史！搭地鐵、逛商場，嘆：行商場係奢侈嘅事！

人氣男團MIRROR成員姜濤近月推出一連3集的個人紀錄片《答案》，日前上載了第3集「最終章」！姜濤與友人一同搭地鐵、逛商場，表示行商場是很奢侈的事！其後又回到母校，憶述中學時期令自己嚴重自卑，自揭黑歷史！

姜濤個人紀錄片的「最終章」日前終於上傳，片段開首先播放姜濤接受訪問的片段，表示自己其實不太喜歡叫「姜濤」，「我都已經22歲，仲畀人叫做『姜B』真係唔太好」，入行初期甚至有向花姐提出想改名，可惜大家早已對姜濤的名字定了型！

姜濤：其實我真係跌得好低

接着，播出姜濤在「2021年度叱咤樂壇流行榜頒獎典禮」的得獎片段，他表示：「可能人哋睇到我企喺高峰嘅位置，但其實我真係跌得好低。你見到某人嘅表面，同佢內心所想係完全相反，所以千祈唔好太容易定義一個人」。

姜濤隨即訴說自己入行三年來的感受，表示入行頭兩年依然有比賽光環，但來到第三年，尤其得獎之後，對自己的感覺開始不同，「在乎嘅嘢多咗，每人講一樣我嘅缺點，我都會好執著，會諗啲好無謂嘅小事，越來越唔開心！」

行商場係奢侈嘅事？

隨即出現姜濤和友人一同搭地鐵、逛商場的畫面，他表示好開心，「好耐無行商場，行商場係幾咁奢侈嘅事」！隨即又在地鐵車廂表示自己事前特意上網睇片，學習如何將自己的存在感降到最低。

母校為姜濤帶來嚴重自卑？

接着，姜濤回到舊時的母校，與一眾職員合照留念，又來到禮堂，回憶自己第一次表演、參加歌唱比賽的舞台～

姜濤回憶母校為自己帶來不少黑歷史，「呢間學校係帶畀我最嚴重自卑嘅地方，唔係話呢間學校唔好，純粹係我喺呢到經歷嘅一切，喺呢度越自卑、越唔懂事，長大後先會變得越嚟越懂事」～

姜濤又憶述以前上游水堂時，因為自己太肥，每逢上堂都只會站在泳池邊，不會脫衣服～又回憶以前跑步時，看到其他學生都會感到自卑。

學習與負面聲音共存！

隨即，畫面出現姜濤新歌《鏡中鏡》的MV拍攝花絮，他表示一開始製作這首歌是想表達自己逃避和反抗，「但仔細諗又覺得無意義，不如搵個方法令自己堅強啲，承認自己內心有負面嘅聲音，搵方法同佢哋共存」。

最後，姜濤亦提到拍這段片是想紀錄自己如何走出低潮，「我之後都會經歷同樣嘅事，但當我之後低潮時，睇下呢段片，人生就係有好多咁樣嘅低潮，諗下會唔會休息一下，會唔會返轉頭睇下以前嘅自己」！

Text：Girlstyle Editorial
Photo Source：影片截圖、IG@姜濤

延伸閱讀：

姜濤疑因私追壓力爆煲，深夜跑上山大叫抒壓？鏡粉促解決問題，IG小編：封了九展可以吧？

姜濤搬屋即刻被私生飯起底，深夜求給予空間！MIRROR私追超嚴重，連偶像丟嘅垃圾都要摷？