港男與前度分手，女方細妹主動提出繼續聯絡！兩人撻着交往：等家姐搵到新男友就會無事？

跟前度分手後，大家會如何處理與前度家人的關係呢？近日，有網民在Dcard討論區發文，表示自己與前度分手後，對方的細妹竟然主動聯絡自己，表示想跟樓主繼續做朋友～但後來樓主卻發現自己愛上細妹，甚至決定和她交往？

樓主表示，自己跟大學認識的前度拍拖兩個月，期間女方有帶過樓主見她的細妹，當時三人一齊行街、食飯，有講有笑，更形容樓主的前度「份人比較慢熱，間唔中又會發脾氣」，但細妹卻「屬於樂天爽朗嘅女仔」，兩姊妹的性格相差很遠！

與家姐分手，細妹主動提出繼續來往！

樓主其後與前度分手，但對方的細妹竟然主動找他！樓主向細妹交代自己已經同女方分手，認為以後跟細妹斷絕來往比較好！但細妹卻表示失去樓主這個朋友感到可惜！最後，樓主因為心軟而繼續跟細妹來往～

樓主鍾意細妹，但擔心影響姊妹感情？

之後，細妹每一個星期都會約樓主出街，「佢仲好主動撓住我手臂（佢對住佢家姐都係咁）」～雖然細妹比樓主細4年，但樓主坦言跟細妹出街很開心，「仲要幾好傾添」，慢慢亦發現自己鍾意咗細妹～

樓主初頭亦懷疑細妹只是純粹當他是「哥哥」，又想像如果與細妹交往，往後見到家姐會好尷尬，又擔心自己會影響兩姊妹的關係～

直至近日，樓主跟細妹正式交往，細妹亦表示自己有考慮過家姐的感受，表示：「我哋低調唔好俾佢知，等佢搵到個新男朋友，到時我哋再去見佢就冇事架喇」～

網民：細妹同樓主都有問題！

事情發展至今，不少網民都紛紛熱論！不少網民都認為細妹明知家姐與樓主分手，但依然主動找男方，會令家姐尷尬！

亦有不少網民代入家姐的角度，認為就算家姐搵到新男朋友，心入面都會有條刺！

不過，亦有網民覺得兩人始終是兩情相悅、你情我願，旁人都難以插手！

Text：Girlstyle Editorial
Photo Source：劇照、Dcard

延伸閱讀：

幫閨蜜吃掉一整年的愛心早餐！內疚下向學長自首，結果卻峰迴路轉遇上真愛？

台男與女友家人打麻雀，一家贏三家！外父質疑出千，嬲到反枱！網民反指樓主唔啱？