周嘉儀訪問Hermès VIP！曬過千萬「喜馬拉雅」系列！市場最搶手款式，消費一千萬都未必買到？

By Olivia on 10 Feb 2022

Digital Content Writer

前無綫新聞主播周嘉儀（Venus）自從離開無綫之後轉戰金融市場，現時是華盛證券市場部總監。向來鍾情於名牌手袋和飾物的周嘉儀不時在社交平台分享戰利品～近日更訪問到Hermès巴黎總店的VIP Judy，帶同6個「喜馬拉雅」系列手袋到場，分享買入心頭好的心得！

Judy收藏Hermès手袋多年，更是巴黎總店的超級VIP！Judy坦言初頭會踏上愛馬仕之路，是因為比較過Hermès和其他牌子的手袋之後，發現Hermès手袋比較保值，不過一開始並沒有以投資的角度去買手袋～

要大量配貨先做到VIP！

Judy隨即分享買Hermès手袋的心得，表示：「其實係無捷徑，要不停買配貨」。她又表示：「要成為超級VIP並唔係買簡單嘅絲巾、鞋、衫就得，你一定要買啲好大額嘅貨物！」Judy表示自己會買家品，「例如鱷魚馬鞍，都要2.5萬歐羅（約22萬港元）一個；有時會買鱷魚皮褸，一件都要差唔多11萬歐羅（約98萬港元），店員就會留一個好特別嘅袋畀你。」

25吋「喜馬拉雅」Kelly手袋

Judy隨即向大家介紹買入Hermès最高級、最稀有的「喜馬拉雅」系列6款手袋！Judy首先介紹 25吋的「喜馬拉雅」Kelly手袋，「去年的拍賣最後連同手續費一共375萬港幣，原價大約係3.2萬到3.3萬歐羅（約28萬至29萬港元）」，可見拍賣價比原價升值10倍有多！

鑽石扣Birkin 25

Judy又介紹另一款鑽石扣Birkin 25，「3年前嘅聖誕節我喺巴黎總店花費約40幾萬歐羅（約356萬港元），店員知道我想要鑽石扣嘅『喜馬拉雅』系列」，表示該款式的市場價大約400多萬！不過 Judy坦言不捨得用這個手袋，「佢真係好靚，但問題係拿出去用時真心有少少誇張」，Judy買入手袋作收藏，表示「睇住都開心」，就似藝術品一樣～

分享分辨真偽的技巧！

Judy表示每個Hermès的手袋都會有獨特的味道，認為「喜馬拉雅」系列最容易分真假，「假嘅『喜馬拉雅』係無味道嘅，『喜馬拉雅』手袋係有一陣強烈的味道，而Barenia鱷魚皮同『喜馬拉雅』系列的味道亦有分別！」

Judy又分享見過朋友買入假手袋，「佢個手袋下面有4個膠套，套住底部嘅金屬釘，愛馬仕嘅金屬釘都有膠膜做保護，而唔係膠套」，Judy又表示該假手袋拿上手「輕飄飄」～她又指，手袋開口的摺位是很貼、很四方的，而仿品的摺口位是圓的！另外，留意手袋的紋路亦有助分辨真偽～

市場上最搶手的款式？

Judy提到現時市場中最搶手的款式是很特別的限量版 20 cm 小房子Snow Bag，袋上的圖案是巴黎總店外面的櫥窗，櫥窗設計更是立體的，相當精緻，這款顏色今年才推出～她表示：「呢款嘅市場價聽講最高賣緊300萬人民幣（約367萬港元），現價係230萬人民幣（約281萬港元），原價退稅後係2.2萬歐羅（約19萬港元）」！