TVB新男團「Super Tiger」成員經嚴格選拔 ？35歲羅天宇等咗14年 C位出道！網民：是來搞笑的嗎？
無綫於大年初一（1/2）推出10人限定男團「SUPER TIGER」登上賀歲節目《恭喜發財好運來》作壓軸表演！早前，「SUPER TIGER」再接受《東張西望》的訪問，逐一介紹男團成員，更齊心向觀眾表示︰「你唔係唔畀機會我呀？」
無綫早前推出10人限定男團「SUPER TIGER」，在大年初一的賀歲節目中，壓軸跳唱內地人氣選秀節目《青春有你》的主題曲及賀年歌《喜氣洋洋》，雖然兩首歌都是「咪嘴」，但原來亦花上4日半的時間排練！
不過，「SUPER TIGER」的表演卻惹來網民不少負評，有網民留言表示︰「跳啲舞老土到爆，笑死！」﹑「多謝呢十個人為我嘅新年帶嚟歡樂」﹑「冇樣冇實力憑自信嘅組合？」﹑「所有野都好求其！」
近日，「SUPER TIGER」全員登上《東張西望》做訪問，逐一向大家介紹男團成員，當中包括羅天宇﹑許俊豪（Lincoln）﹑丘梓謙﹑鄒兆霆﹑劉展霆（Eden）﹑曾展望（GM）﹑林俊其﹑魏柏豪﹑李紹堅，以及宋懿芳！
35歲羅天宇︰呢個機會我等咗14年！
成為男團「C位」﹑有「女神收割機」之稱的羅天宇率先自我介紹，表示︰「其實入行之前已經好想組男團，亦搵咗公司幾個男藝人去嘗試，但最後因為無 budget 而無咗件事，估唔到14年之後，會有呢個機會！」惹來全場起哄，連主持都高呼︰「呢個故事感動人心啊！」
「翻版王浩信」林俊其放電？
有「翻版王浩信」之稱的林俊其更向着鏡頭放電，表示︰「我遇到鍾意嘅嘢會一直向前衝，唔好俾我鍾意你！」主持亦激動表示︰「OMG！我畀你電到呀！」
與兒時偶像「天堂鳥」成員組男團！
「SUPER TIGER」其中一位成員Lincoln曾經是前男子跳唱組合「天堂鳥」的成員！Lincoln更加提原來加入「SUPER TIGER」是需要接受Casting，「係想揀一啲有質素嘅人出嚟，就係呢度嘅人啦~」
在《愛‧回家之開心速遞》飾演被指是「翻版姜濤」的「蔥頭」丘梓謙表示自己自小跳舞，看過不少男團的表演，更笑指自己是聽「天堂鳥」的歌長大！
《#後生仔傾吓偈》的主持之一曾展望（GM）則笑指自己的名字「GM」意思是「Good Man」，又表示︰「好開心可以同兒時偶像Lincoln一齊組男團」，更即場跳唱「天堂鳥」的出道歌《登陸太陽》，場面相當搞笑~
現年32歲的魏柏豪透過《衝上雲霄大選》入行，有7年機艙服務員的經驗！
鄒兆霆從2017年的TVB電視藝員訓練班畢業，其後在《愛‧回家之開心速遞》中飾演富家子弟「賈明昇」，又於2021年被指和《東張西望》前主持潘梓鋒發生感情糾紛和打架！
宋懿芳是應屆藝員訓練班的畢業生，曾經是超過300磅肥仔，被主持形容修身之後是「擁有183cm身高的『Oppa』」！
齊聲高呼︰唔係唔畀機會我哋呀？
今年踏入35歲的羅天宇被問到想不想獨立發展時，亦尷尬表示︰「我個年紀，好似……」他又提到組男團是自己的兒時夢想，更表示︰「呢個機會我等咗14年，你唔係唔畀機會我呀？」最後，「SUPER TIGER」更對着鏡頭齊聲高呼︰「唔係唔畀機會我哋呀？我哋係『SUPER TIGER』！」
雖然場面相當熱血，但一眾網民的反應卻似乎未能接受！不少網民留言議論，表示︰「完全體現只要自己唔尷尬，尷尬嘅就係別人」﹑「無論命名， 人選，定位都好有問題」﹑「一定俾機會！為香港人提供歡樂！」﹑「宇宙天團～你們還是返宇宙吧 ～ 地球不適合你們」﹑「個隊名真係堅老土，造型唔掂，大灣味MK味濃」！
Text：Girlstyle Editorial
Photo Source：IG截圖
❣️ 立即 Follow 我們的 Instagram girlstyle.mag
✨GirlStyle 女生日常手機應用程式正式登陸 App Store 及 Google Play✨ 👉 立即下載
