方力申大讚緋聞女友陳瀅優點！大爆「金牌媒人」阿Bob牽線技倆好尷尬？

By Olivia on 21 Feb 2022

Digital Content Writer

方力申自從與拍拖10年的鄧麗欣分手之後，雖然與陳瀅、馮盈盈等女星傳過緋聞，但感情狀況似乎未有著落～小方近日登上陳敏之YouTube頻道的節目《Chi Chat》作客，大談愛情生活！當中，方力申狂讚緋聞女友陳瀅的3個優點，又大爆「金牌媒人」阿Bob牽線技倆好尷尬？

大讚陳瀅3個優點！

在節目《Chi Chat》的快問快答環節中，陳敏之請方力申說出緋聞女友陳瀅的3個優點！小方極速回答「外國長大，英文好」、「皮膚好」、「爽朗、夠義氣」，更直認自己的確同陳瀅熟一點！

不過，問到另一位緋聞女友馮盈盈的優點時，小方就笑指自己「諗唔到」！

玩交友App識女仔？

方力申更加自爆自己曾經玩過交友App結識女仔，陳敏之問到小方「驚唔驚畀人知道你就係方力申呢？」小方笑指當時因為有人投訴，令他的帳戶被封鎖了幾天，要再驗證才能復原，「但係我依家已經delete咗，因為個App又要我攞身分證再驗證，我覺得太麻煩～」

方力申更透露自己玩交友App玩了10個月，「課金都課咗咁耐，男仔要畀錢㗎，要畀月費」，但發現自己始終不敢約人外出，所以決定不玩～方力申亦表示自己因為好奇，想認識不同年齡和背景的女仔，所以才會玩交友App。

大爆阿Bob牽線技倆好尷尬？

兩人後來又提到搵圈中「金牌媒人」阿Bob牽線，但小方卻指「我唔敢問佢，因為佢啲sell嘅技倆太硬啦！」小方更自爆曾經同阿Bob和一位年輕女藝人食飯，阿Bob竟然當面向小方推介：「呢個好女仔嚟，你啱唔啱？佢鍾意你！」

小方不禁表示：「佢竟然直接講！我就坐喺個女仔對面咋，阿Bob仲話『你得就得㗎啦』！所以我發覺外面啲人成日都傳我，係佢搞出嚟！」陳敏之都忍不住表示：「阿Bob，你賣菜咩？真係好尷尬！」

小方擇偶條件？

小方更大爆阿Bob試過介紹身材很好的女仔給他認識，但他卻表示：「太好啦，我比唔上佢，我又唔係一個好身材嘅人」～至於小方的擇偶條件，他提到在圈中見太多美女，認為最重要是溝通，「大家夾唔夾、價值觀如何，透過溝通會知道」～除此之外，小方覺得在日常生活中，如果不時會想起對方，有掛住的感覺，就代表鍾意，無論是圈外或是圈內都無所謂！

Text：Girlstyle Editorial

Photo Source：IG@阿Bob、方力申、YouTube截圖