羅子溢夫婦拍《家族榮耀》堅持分房瞓！被黃浩然踢爆：你哋仔仔係果段時間製造出嚟！

豪門爭產劇《家族榮耀》近日正值熱播，楊茜堯（前名：楊怡）跟老公羅子溢（前名：羅仲謙）一同參演，雖然兩人在劇中另有伴侶，但仍有不少對手戲！近日，羅子溢登上商台節目《1圈圈》作客，分享了不少與老婆一同拍劇的幕後花絮！

同一時間收劇本，即刻叫老婆接拍？

羅子溢憶述當時與楊茜堯同一時間在家中收到《家族榮耀》的劇本，立即叫老婆一定要接拍，「因為好難得電視劇係用女性做主導，（楊茜堯）隔咗咁耐無拍劇，一嚟就拍一部女性做主導嘅劇，對佢嚟講係非常好嘅事」！

不過，兩公婆亦有不少掙扎，因為當時囡囡「小珍珠」只得半歲，兩人都不捨得離開她北上工作！後來因為家人勸告：「到『小珍珠』大個，佢唔會記得你哋有離開過！」所以才決定接拍！

好耐無同老婆拍戲？

羅子溢亦坦言自從2013年的《On Call 36小時II》之後，已經很久未與楊茜堯一起拍戲，「我自己都好想交手」，更透露兩人在家中一起睇劇本時經常會交手，「我同呢個視后鍛鍊得多，都想實踐下！」

片場上與老婆刻意保持距離！

被問到在片場上，聽聞與楊茜堯很少交流！羅子溢就解釋指，因為要顧及大家在劇中另一半的感受，「如果我哋喺片場太親密，其他演員會覺得好難同你太太交流，或者李彩華好難同我交流」，因此在片場上刻意與老婆保持距離，令大家在劇中的另一半不會尷尬！

決定分房瞓原來因為呢個原因？

楊茜堯在去年12月底誕下第二胎囝囝，而羅子溢早前亦被同劇演員大爆拍劇期間與楊茜堯分房瞓！黃浩然當時更立即搭嘴，表示：「計返條數，佢哋有第二胎其實係呢段時間造人㗎喎！」不禁令眾人疑惑兩人就算分房瞓都能成功「造人」！

羅子溢在訪問中解釋兩公婆決定分房瞓的原因：「因為劇組安排咗兩間好舒適嘅套房畀我哋，問我哋：『你哋想一齊住瞓定分開？』」羅子溢當時第一反應就興奮表示：「有兩間房緊係要兩間！」另外，亦因為考慮到兩人的化妝時間不同，不想嘈醒另一半！

大讚內地拍劇好輕鬆！

雖然羅子溢與楊茜堯拍劇期間刻意保持距離，但他表示其實收工之後，兩人有好多時間拍拖！他表示，在內地拍劇，每日只需要拍12小時，相對上較輕鬆，更興奮表示：「嘩！真係正！夜晚仲可以諗去邊度食飯，好開心！」主持阮兆祥亦立即和應：「係呀！喺香港拍好辛苦㗎！」

Text：Girlstyle Editorial
Photo Source：劇照、IG@楊茜堯

延伸閱讀：

家族榮耀｜楊茜堯、張智霖劇中搞婚外情！惹老公呷醋？李彩樺大爆羅子溢要求加吻戲！

家族榮耀｜李彩華出動過百萬私伙名牌拍劇！連睡衣都過萬？屬圈中小富婆 坦言不恨入豪門？