鍾嘉欣與5歲囡囡拍化妝片，Kelly怕醜遮面超可愛！因一暖心原因，親自為囝囝學剪頭髮？

鍾嘉欣近年移居加拿大，自從拍完無綫劇集《星空下的仁醫》後，暫時未有新的影視作品，專心做全職媽媽相夫教子～不過，鍾嘉欣近年積極發展YouTube頻道，與粉絲分享生活日常！

現年37歲的鍾嘉欣於2003年勇奪溫哥華華裔小姐及2004年度國際華裔小姐冠軍入行，多年來拍攝過多部經典電視劇～其後，鍾嘉欣於2016年宣布與脊醫老公結婚！婚後，鍾嘉欣淡出幕前，移居加拿大，現時育有一子一女～

囡囡為鍾嘉欣化妝！

最近，鍾嘉欣更新YouTube影片，找來囡囡Kelly一齊拍化妝片！鍾嘉欣提到，Kelly主動提出想同媽媽一同拍片，誰知影片一開頭，Kelly卻突然感到害羞，遮着臉，十分可愛！

隨即，Kelly拿出Elsa眼影盤，為鍾嘉欣搽上青色眼影！化上眼之前，Kelly更識得先將化妝掃多餘的眼影掃掉，年紀少少化妝手法已經相當純熟！

化妝過程中，Kelly亦有點手忙腳亂，被鍾嘉欣投訴將眼影畫到下眼瞼的位置，又將唇膏搽出界，被鍾嘉欣笑指：「你咁樣搞法，媽媽返唔到工喎，會畀人笑，你幫我化醜妝定靚妝㗎？」

不過，鍾嘉欣最後亦對囡囡化的妝感到滿意，表示：「佢幫我化咗個Elsa妝，我覺得都唔錯」！最後，鍾嘉欣亦幫囡囡化妝，表示：「佢依家好興奮，我就覺得囡囡唔化妝最靚，依家化咗妝係有啲成熟」～

拍片記錄首次為囝囝剪頭髮！

除了找來囡囡一起化妝之外，鍾嘉欣早前亦拍片幫3歲的囝囝Jared剪頭髮！鍾嘉欣事前亦做足功課，不但打電話向媽媽求助，又上YouTube睇教學，為幫兒子剪髮做足準備！

接着，鍾嘉欣將膠袋套在Jared身上，當作圍巾，可愛的Jared更向媽媽表示：「Don't cut me!」為了令囝囝乖乖坐定，鍾嘉欣更用兒子喜歡的零食吸引他，一邊剪髮一邊安慰囝囝～

親自操刀全因一個暖心原因？

最後，鍾嘉欣解釋親自幫囝囝剪頭髮的原因，「我想將呢樣嘢變成一個回憶，因為我細個個時，我媽都會為我剪頭髮，直到18歲，所以我都希望可以為自己的孩子咁樣做」！鍾嘉欣亦自知第一次剪頭髮不算剪得很好，唯有下次再努力，亦在翌日帶兒子到髮型屋再修剪！

Text：Girlstyle Editorial
Photo Source：影片截圖、IG@鍾嘉欣

延伸閱讀：

鍾嘉欣曾與伍允龍相戀8年無疾而終 4天認定現時丈夫 貼合照放閃：愛我不容易 ！

鍾嘉欣返加拿大過新年：要回危險區隔離！未有計劃返港，有工作邀約但不想再與家人分開太久！