港男呻加拿大生活4大問題，猶豫畢業後應否回港發展！生活環境冷清，人工抽稅、買唔到樓？
近年，不少市民都計劃移民，加拿大是不少香港人移民的熱門地點！不過近日卻有在加拿大讀大學的網民在連登討論區發文，表示正在猶豫畢業之後應該回香港工作，還是留在外國發展，並提出在加拿大生活的4大問題，希望網民給予意見！
樓主提到，自己自從讀完中四之後已經前往加拿大讀書，現時正在讀大學最後一年，不知不覺間已經在加拿大生活接近7年！因為疫情的關係，樓主曾返港生活一年半，直至去年才返回加拿大，他表示自己心裡一直有想返香港生活的念頭，但明白加拿大開放了救生艇計劃，畢業後可以直接申請永久居留權，令樓主對未來的發展相當苦惱～
1）加拿大長期冰天雪地，活動不多！
樓主提到第一個令他抗拒在加拿大發展的原因，認為在加拿大「無乜嘢做，生活比香港枯燥」，加上加拿大一年三季都是冰天雪地，在室內可以進行的活動亦不多，令樓主在當地的生活更加沉悶！
樓主提到：「其實一個地方嘅天氣長時間都係咁，唔單止影響日常生活，仲會令人好抑鬱」，雖然他明白不少人並不追求娛樂，可以長期留在家中，但樓主卻表示「過咗嚟呢邊先發現原來我係一個需要陽光與海灘，落街有野食，生活多姿多彩嘅人」，因此渴望回港度過餘生～
2）在加拿大儲不到錢
樓主表示，在加拿大工作雖然無香港咁辛苦、成日OT，但他不喜歡自己辛苦打拼得來的人工有3-4成都會被政府抽走交稅！加上加拿大的樓價同樣升得很厲害，「以呢度嘅人工比人抽埋稅，其實短時間內都唔會買到樓。」樓主亦表示自己不介意辛苦一點工作，但可以同家人一齊住，「好想自己辛辛苦苦搵返嚟嘅錢係真係自己袋落袋。」
3）加拿大生活環境令樓主長期抑鬱
樓主表示自己獨自到加拿大讀書，在當地並沒有屋企人，朋友亦不多，加上疫情的關係令他更難在加拿大交朋友！樓主亦表示自己在加拿大找不到興趣，感覺每天都在虛度光陰，「我20歲頭仲有好多野想趁後生做，喺加拿大嘅日子我覺得我去到40歲都唔會覺得自己有啲咩成就。」
另外，亦因為加拿大生活環境冷清同悶，令樓主更容易亂諗嘢，「大部份時間都係自己一個人喺屋企，唔似香港咁樣咁多嘢做可以distract自己，然後大部分時間一直翻煲所有負面情緒」，在加拿大生活亦令樓主覺得無能力改變每日頹廢的狀態，覺得回港有機會可以重新搵翻自己！
4）無法照顧屋企人
樓主表示，雖然屋企人並不是特別年老或者多病痛，但如果要留在加拿大發展，一定長時間照顧不到屋企人，而家人亦沒有移民的打算！樓主表示：「自從離開咗香港之後，每隔一年返香港都覺得佢哋明顯老咗，自己有種無能為力嘅感覺。」
樓主亦不想等到未來事業有成才回港照顧家人，「到時先返去只會發現佢哋老得更快，自己原來失去咗好多同佢地相處嘅時間，我唔想令自己後悔無係自己最親嘅人身邊陪佢地」～最後，樓主亦表示並不是勸大家不要移民到加拿大，而是每個人嚮往不同的生活！
網民回應！
樓主的煩惱引來不少網民給予意見，不少網民認為既然已經讀到final year，不如拎到永久居留權，再入藉才回港！
不過，亦有網民認為，人生應該求開心，如果留在加年大會影響心理健康，不如乾脆返香港～
Text：Girlstyle Editorial
Photo Source：劇照
延伸閱讀：
❣️ 立即 Follow 我們的 Instagram girlstyle.mag
✨GirlStyle 女生日常手機應用程式正式登陸 App Store 及 Google Play✨ 👉 立即下載
