陳嘉寶節目大爆圈中綠茶婊極品行為～ 周圍收兵，擅自改對白令同行出醜？

作為不少人心中的靚媽代表，現時已為3女之母的陳嘉寶（Anjaylia）於ViuTV劇集《IT狗》中飾演極品港女KOL，被大讚演技出色。最近陳嘉寶上youTube《絲打圍爐》做嘉賓，接受蝦頭和連詩雅訪問時大談所見所聞，仲即席模仿「綠茶婊」行為，更神級還原演繹，笑爆網民。

陳嘉寶自認毫無殺傷力，所以「綠茶婊」喺佢面前都從來不掩飾，亦分享其中一次出席大型活動經歷，指有位女神級模特兒被男工作人員搭訕，即時嗲聲嗲氣回應：「好耐冇見，多謝你咁支持我呀！」

交談中直言口渴，令該男工作人員甘心主動為她做跑腿買飲品，「綠茶婊」模特兒即叫大家將手袋放喺附近空位，以防男工作人員一陣返嚟糾纏佢，點知男工作人員返嚟後，呢名「綠茶婊」態度隨即變得友善可親。

陳嘉寶再爆有次與兩位模特兒一齊做訪問，模特兒A突然改稿對模特兒B表示指甲可睇出一個人係咪好企理，而佢就覺得對方腳甲修得好靚。此話一出，攝影師隨即拍攝模特兒B嘅腳趾甲，陳嘉寶一望就發現模特兒B甘本無搽指甲油，仲要係一忽忽嘅，於是就問模特兒B，先知道原來兩者之間有過節：「我忍唔住問模特兒B，係咪稿嚟？點解我份稿冇呢part，模特兒B嬲嬲豬話：『係佢突然加㗎』。」

此外，陳嘉寶表示曾經遇過一位「綠茶婊」，就連打噴嚏都會搖頭刻意扮可愛，陳嘉寶更更一比一神級還原演繹示範三次，蝦頭和連詩雅即場學，點知學極都唔似，場面爆笑。

節目出街當日，陳嘉寶又再喺IG分享模仿「綠茶婊」打噴嚏影片，寫道：「你有無見過人咁樣打噴嚏？ 我有！我真係有！不過唔係我本人…」仲話多謝《絲打圍爐》邀請做訪問，令佢諗返起人生食過嘅好多花生，又畀佢過足一場戲癮。

相信這個話題一定令超多女生有同感，看見綠茶們的作狀表現真係真的想把白眼翻到腦後！

撰文：Girlstyle Editorial

圖片來源：《絲打圍爐》YouTube影片截圖、IG@anjaylia