梁思浩怒轟花姐對意外不負責任！心痛MIRROR：錢就識袋！佢哋唔係生財工具！

By Ice on 05 Aug 2022

Digital Content Writer

梁思浩近日在網台節目中怒轟花姐對MIRROR演唱會意外不負責任，事後「潛水」要MIRROR面對公眾。他心痛MIRROR 12位成員彷彿被當成生財工具，怒斥主辦方以及花姐：「你袋錢嗰時就識袋，到佢哋有事嗰時，你係完全消失」質疑為何彩排時看到危險，沒有煞停演唱會導致意外發生？

怒轟花姐不負責任

梁思浩近日在自己網台節目「大家真瘋Show」中，討論MIRROR演唱會發生意外一事，忍不住怒轟MIRROR經理人、演唱會監製「花姐」。他指出花姐對於意外難辭其咎：「老老實實啦阿花，如果你係呢12個細路仔嘅經理人，你有睇Rehearsal㗎嘛！你有去睇㗎！如果你話畀我聽你冇睇，就仲衰！你袋緊佢哋（MIRROR）錢㗎！」質疑花姐為何在彩排中已經看到有危險，但沒有煞停演唱會，無論是經理人或者是監製，都不應該允許這樣的情形發生。

梁思浩又指事情發生後，花姐「潛水」多天，要MIRROR面對公眾：「你袋錢嗰時就識袋，到佢哋有事嘅事後，你係完全！完全消失天與地！」怒斥花姐並不是新人，既然做了監製，拿了相應的酬勞，就應該負責任，最起碼應該保護好自己的藝人：「幫你搵錢㗎喎！你錢就袋落袋！責任唔使你孭啊？」

質疑MIRROR受到不公對待

旁邊的主持人砲轟MIRROR日常疑似受到公司不公的對待，提及了姜濤出Event做訪問時暈倒一事，質疑MIRROR爆紅後的工作量過多：「你見到佢哋個工作量，大家打開報紙其實係知嘅！究竟抽咗幾多事件叫佢哋去彩排？呢啲亦都有數計！」

不但是工作量，收入抽成也被梁思浩質疑：「究竟呢12個細路仔咁辛苦工作呢幾年，佢哋個袋有幾多錢袋落袋？」旁邊的主持人也表示MIRROR說過當花姐是母親的存在，但花姐到底是當他們兒子還是生財工具？

演唱會慳住做

梁思浩表示自己做過演唱會監製，因此絕對有權對這件事發言：「第一，所有錢銀、所有嘅嘢都係由你（監製）控制嘅。即係話呢個演唱會賣晒飛慳㗎啦，即係話你已經賺硬錢㗎啦，你條數（成本）已經返咗嚟！你加幾多嘢落去你唔係蝕住做啊，你係賺住做啊嘛！但你賺住做你仲喺度慳！」

花姐難辭其咎

梁思浩全程砲轟花姐無論是作為經理人或是監製都沒有盡到責任，彩排的時候就連幕後、Dancer都說有危險，但是演唱會還是如期舉辦！旁邊的主持人李思蓓也忍不住向相關人士喊話：「呢12個小朋友係可以幫公司賺好多錢，但你哋麻煩都要諗清楚，佢哋都係人，唔好物化佢成為一個生財工具！呢啲小朋友係人嚟！」不少網友都讚同主持人們的觀點，不過很多人也指出眼下最重要的還是希望傷者能夠早日康復！

Text：Girls editorial
Photo Source：MIRROR@IG、網台節目截圖