港男向女友求婚竟要求朋友夾錢！酒店房、氣球錢都計到盡，閨蜜：唔知仲以為我結婚？

相信每個女生除了想有一個完美的婚禮外，求婚過程亦絕不能馬虎～近日有位港男向女友求婚，又找來身邊的朋友幫手準備，但在求婚成功後，竟然向朋友收回布置的費用及酒店房間錢，惹來朋友極度不滿，被網民怒斥勁孤寒？

日前有網民在討論區發文，指在2個月前好姐妹的男友找自己幫手求婚，當中分別有女方的朋友及男方的朋友。在求婚當日，一班朋友就提早去到酒店房幫手布置，不過樓主當時已經覺得房間好細間。

樓主提到自己提早詢問朋友男友有沒有需要買的東西，對方「拍晒心口話已經買晒唔使我哋出錢，只係要我哋幫手佈置到靚靚就得」結果樓主發現對方的裝飾全部在淘寶買，為慳錢又沒有買充氣泵，只能用飲管慢慢吹脹氣球。

結果他們花了很長時間才將氣球吹脹，打算幫手插花的時候，卻發現對方竟然買了一堆膠花，樓主質疑「唔買真花，你買乾花都好呀，買膠花係咩意思？」她又指好友男友最後只準備8個字母氣球、5個普通氣球及一紮假花，沒有買到任何燈飾，最終用酒店房燈才營造出浪漫氣氛。

最終樓主的好友在一班朋友的幫助下，答應了男友的求婚，大家都相當感動。但當一班朋友離開酒店打算去吃飯的時候，竟然收到朋友男友在「求婚group」要求大家除返開條數，計好氣球、膠花及酒店房錢。

樓主就憤怒地留言：「求婚係你求㗎喎，酒店房都算啦！氣球同膠花錢都要問我哋收返係咩事？」而且朋友男友的氣球及膠花都在淘寶買，加上運費都可能只有50蚊，也不是很貴，房間亦不是高級酒店，直指對方行為非常「肉酸」～

網民都留言表示該男友非常吝嗇，又指樓主應該要勸朋友早日分手，而且叫朋友幫手求婚很平常，為感謝朋友幫手會請吃飯，但第一次聽要朋友「夾錢求婚」～樓主又稱自己已經截圖send給女友，但好友卻表示男友對自己好大方，不相信用對方會這樣做。

Text：Girls editorial

Photo Source：討論區截圖、電視劇劇照

延伸閱讀：

準新娘為環保要求婚紗店義租婚紗！註冊費都想贊助？網民：租婚紗唔環保？

港女結婚想另一半買求婚戒指，男友斥過分！只肯去鴨療街買$150的便宜貨，否則就取消婚禮？