人妻被奶奶嫌「冇仔生」：唔明嗰仔點解娶你？仲怪用消費券買化妝品，唔買補品谷生仔！

Digital Editor

如何解決婆媳紛爭？近日有名結婚未到一年的人妻在網上發文，指奶奶抱怨她「生唔到仔」，又怪她用消費券買化妝品，而不是買補品養身，令該人妻十分無奈，並直呼：「你估生仔好似生暗瘡咁易咩？」～

被奶奶抱怨「生唔到仔」

近日有一名結婚未到一年的人妻在香港討論區發文，她指與老公兩人正努力儲錢買樓，暫時未有生育計劃，但奶奶卻見到胞姊的媳婦又有了第二胎，而第一胎就已經「一索得男」十分羨慕，就開始不斷地給壓力她，又「話我生唔到仔，唔知點解佢個仔要同我結婚」、「話人地就可以生到唔想生，你就想生都冇得生」！

之後，奶奶又指責該人妻有消費券只會用來買化妝品和衣服，而不是用來買補品養身，還說「買少啲扮靚野，聽佢話買食補品嘅話可能一早有左啦！」，說話十分難聽，令該人妻感到十分難過。

該人妻心中認為懷孕與否並不是只與她一個人有關，而且她與老公只結了婚短短一年也未到，再加上兩人並未有足夠的金錢和時間去養育小朋友，所以暫時未有計劃。不過奶奶卻不停「比說話我聽，話我生唔到仔」，令她不禁直呼「唉，你估生仔好似生暗瘡咁易咩？勤力啲食多啲熱氣野就生得出」！

不少網民都表示同情樓主，亦認為不需要過於在意奶奶的說話，因為生不生小朋友並不關她事，留言：「未夠一年唔洗咁心急嘅，奶奶都係想抱孫姐」、「最緊要係你兩公婆想唔想要生小朋友，唔係人有我有，要衡量下自己有冇條件有小朋友，因為是不可逆轉，其他的長輩講咩都無用，生小朋友及養育和教育不是簡單的事」。

也有網民建議樓主應直接跟與奶奶道出未有生育計劃的主因是金錢不足：「直接同佢講，無錢生，睇下佢咩反應，之後就會不了了之」、「上一代希望抱孫係理解，但亦可以解釋一下自己的家庭計劃」。

Text：Girls editorial
Photo Source：電視劇劇照