女編劇26歲患乳癌兼焦慮症毅然跳出舒適圏、2個月即興移民英國

By Flora on 10 Feb 2023

senior editor

「我好鍾意留喺comfort zone，但其實唔係太開心。」90後Heidi自小性格謹慎，一畢業就加入電視台任編劇7年，自言勇氣不足連轉工都驚，但經歷過患癌和焦慮症後，Heidi心態居然有180度逆轉，2020年實行「即興移民」，由計劃到抵埗英國只花了2個月時間！

26歲確診乳癌

大學傳理系畢業後，Heidi第一份工作就加入電視台任編劇，時為月薪$10,000。人們常說電視台工作辛苦「有返工無收工」，Heidi自言是幸運的一群「有得收工」：「只不過收工仲會度橋，放假都要成日睇戲拎靈感，一無橋就會好緊張。」日復一日的創作令她感到無形的壓力，最終在2017年確診乳癌。

當時年僅26歲的她大感難以置信，連醫生也直指Heidi是他見過最年輕、無遺傳病史的乳癌病人！「好彩只係第一期，所以即刻安排做手術和化療，前後放咗3個月假。」剃光頭髮做化療、治療期間所帶來的痛苦，對一個年輕女生來說當然不好受，患癌初期男友亦不太關心她，令她更傷心。

「因為我大男朋友6年，嗰時都會諗，佢會唔會想揀個更年輕同健康嘅女仔？」不過原來男友只是個「直男」，當他看到Heidi為化療剃光頭髮時，終於意識到女友真的生病了，從此對她關懷備至，常抽空陪她覆診和打化療針。

除了男友的轉變，Heidi還有另一意外「收穫」：「嗰陣有種『扭曲』嘅心態，覺得放3個月病假好開心，可以完全唔諗公司嘢！」可惜到她復工後不久，工作帶來的壓力仍未解決，她患上焦慮症，常常情緒不穩，「返工搭車無啦啦會喊，好驚有人行近我，連做婚禮姊妹時人哋幫我化妝，我都會驚到震。」

決心跳出comfort zone

她表示自己愛躲在舒適圈，第一份工作一做便是7年，雖然不時幻想轉工，甚至想像移居泰國，卻一直不敢實行，直到焦慮症來襲，她開始有逃離這種生活的需要：「我好鍾意留喺comfort zone，但其實唔係太開心。」加上受到性格樂天、愛冒險的男友影響，及其家人的鼓勵，索性把心一橫一起移民外國。

2020年開始吹起移民潮，英國推出LOTR計劃（「Leave Outside the Rules」容許持BNO港人及其家人在英國申請簽證定居5年，為日後入英籍及英國永居權鋪路）、買樓免印花稅優惠，兩人於是在2020年9月計劃移民並申請簽證等手續，到了11月11日他們抵達英國諾定咸定居，前後只花了2個月的時間。

為自己人生而活

抵英後Heidi全職經營YouTube Channel製作街訪節目，儘管工作忙碌但她十分享受！「以前做編劇辛苦啲，度橋要諗人哋鍾唔鍾意；而家搞channel係自己嘢，通宵幾晚都開心！」

她的街訪節目風格輕鬆搞笑，卻從中探討英國和香港的文化差異，例如最近她便以「英文口音」為題，發現英國人不太介意別人說英文有口音，相反香港人則愛取笑港式口音，Heidi表示：「我都畀人笑自己講英文有口音，但其實溝通到就得啦！」她希望藉短片告訴大家有口音也沒問題，不要介意別人目光和取笑，反而不敢說英文。

不要活在別人的目光，大概是很多人的課題。與Heidi聊天總感受到她溫柔體貼、處處為人著想的性格，她坦言以前工作時怕別人不喜歡，不敢提出自己意見，反被上司評「太乖太無性格」；患癌時不敢立即告訴家人，怕他們擔心；直到移民前夕，媽媽面對離別忍不住落淚，Heidi十分心痛但又無可奈何，終究決定離開自己的comfort zone——「因為自己人生係要自己負責，唔可以因為人哋而改變自己決定，否則第時後悔可以怨邊個？」

身在異鄉一年有多，Heidi生活算不上富裕，對金錢有另一番看法，「以前香港係『用錢買時間』，事無大小都用錢解決：買餸會網上訂完送到屋企、洗碗都要買洗碗機，返工無時間陪屋企人就會俾錢佢哋孝順吓；而家英國時間多咗，好多嘢會落手做，真正感受生活，而且我成日打電話俾屋企人，即使唔喺身邊，感覺都比以前更close。」

Text: Girls Editorial

Photo: 受訪者Heidi提供

更多相關文章：

港女遠嫁波蘭過童話式婚姻　收入大減、語言不通仍幸福：香港太物慾

異國情緣聽起來很浪漫，但假如遠嫁外國，卻換來收入大減、語言不通的處境，你又會如何抉擇？

在香港土生土長的90後女生Carmen，在8年前認識到波蘭籍丈夫，毅然跟他搬去波蘭一個人均收入只有港幣$6000的小鎮，雖然放棄富裕熱鬧的生活，但Carmen卻表示比以前更幸福！

#香港認識波蘭男友

33歲的Carmen是一名港泰混血兒，自小在香港長大，一直熱愛西方文化的她，中五畢業後不久就加入歐美化妝品公司工作，從事化妝師多年。

2014年她經交友APP結識在香港任英文老師的波蘭男生Peter，笑說因對方「靚仔」而迷倒，至於Peter則被她的真性情吸引！Carmen憶述兩人第一次見面時吃飯情景：「佢話date過幾個香港女仔，其他女仔好想表現自己好好嘅一面，成餐飯表現得好體貼，而我就好做自己，唔會幫佢拎餐具咁，食唔晒我仲問可唔可以打包拎走。」

#火速拍拖超甜蜜

第一次約會Peter就對Carmen一見鍾情，還天天鬧著見面，十分痴纏！最後兩人只認識了2星期就拍拖，到了第3個星期，Musial還主動提出見家長！「佢話我哋日日出街拍拖，同父母見吓面，會令佢哋安心啲。」兩人平日以英文溝通，但因Peter來港多年，廣東話也難不倒他，加上個性溫順有禮，氹得Carmen家人非常開心，當晚就接受女兒的外國男友，媽媽後來還常常充當「和事佬」，調停倆小口的小爭執呢！

儘管兩人偶然因文化、語言不通而耍花槍，但由牽手走到教堂，Peter一直待Carmen如公主般呵護備至，Carmen稱讚另一半顧家，早早認定對方是結婚對象，「佢成日讚我啦，日日同我講『點解你咁prefect』、大時大節會送名貴禮物仲話“You deserve it” (你值得的)」相處多年，兩人不乏浪漫約會和驚喜，Carmen亦會年年為對方做紀念相簿，甜蜜爆燈！

#遠嫁波蘭小鎮過樸素生活

2019年兩人結婚，Carmen隨丈夫回到波蘭老家，坦言起初很不習慣，位於中歐的波蘭在二戰後一直發展遲緩，尤其她居住的小鎮人均收入只有$6000，保留俄共思想的老一輩甚至覺得，食KFC都十分奢侈！

「好多波蘭人都要打2份工先夠生活，收入都係填基本開支，無咩額外娛樂。」Peter在香港任職英文老師，收入原本不俗，但搬到波蘭後加上疫情衝撃，人工大幅減少，他甚至半開玩笑地怨道：「點解我哋咁窮？返十幾個鐘都係得少少錢！」；至於Carmen不諳波蘭文，也只能靠少量的化妝工作賺錢，不過事實上，這裡賺到錢也沒地方可以花。

有別於國際都市香港，波蘭小鎮生活樸素，買衫買鞋的選擇不多，商店更在星期日關門，原本從事化妝品行業的Carmen表示：「我以前好鍾意買美容嘢，用最貴最靚嘅專櫃化妝品，而家只可以用最平嘅藥妝！」不過語中卻毫無怨言，相反Carmen對波蘭有離不開的情愫。

#移民後的體會

「香港係個好物慾嘅城市，啲人就係平日返工放工，放假消費，跟住潮流去打卡，我認為咁樣只係生存，唔係生活。」Carmen回憶起自己離開的原因，「波蘭人無乜物慾，生活平淡簡單，但就覺得好幸福。」她分享波蘭風景如畫，四季分明，尤其冬天雪景十分漂亮，現在她假日生活不再是行街做facial，而是與家人嘆下午茶、花園BBQ、春天去公園野餐、冬天滑雪和準備聖誕節，享受大自然，過得十分愜意。