TVB女主持賴彥妤又又又又出事？先後訪問姜麗文、郭富城、方力申被轟唔識尊重人！亂問問題再令馮素波尷尬！

TVB娛樂新聞台主持賴彥妤在多次訪問中被指不專業，近日再因訪問馮素波上熱搜，原來賴彥妤已經不是第一次被罵，也難怪網民提出疑問，到底係真唔知會令人尷尬，還是自己造新聞呢？

賴彥妤在近日健康節目的探班中訪問馮素波，當對方講起自己早前做過手術，切了五分之一大腸的時候，竟追問「你有冇咩秘訣啊」，令馮素波頓感愕然「下？秘訣？」，不懂得怎樣回答。

雖然其後主持再補充問到「是飲食方面」才能化解尷尬，但網友依然覺得主持有失尊重，因為兩位嘉賓聽到波姐大病一場都馬上收起笑容相繼安慰，相反賴彥妤依然滿面笑容沒有任何反應（好似冇認真聽內容咁），紛紛質疑為何經歷過多次錯誤後仍沒有改進。

賴彥妤被批不做功課又多次亂發問

早前方力申的圈外女友Maple的身份被公開，小方在接受訪問的時候承認戀情，不過就提到不會帶女友出席公開場合，話音剛落賴彥妤竟然再次追問小方：「有冇諗過情侶檔接Job？」這個問題一度令場面尷尬，小方聽到問題後先看了賴彥妤一眼就回答：「應該就唔會喇，因為佢唔係圈內人」結果賴彥妤就被網民怒轟「都幾唔識尊重人」、「問受害人會唔會情侶檔接Job？」。

問母親早逝的姜麗文如何慶祝母親節

但其實賴彥妤已經不是第一次被指不專業，她曾經在與姜麗文做訪問時，問對方會如何慶祝母親節，但姜麗文的母親已經早逝，賴彥妤就被轟炸「點解記者訪問前唔做功課？」幸好姜麗文高EQ回答：「會同爸爸慶祝」才化解尷尬，事後賴彥妤也有在IG與姜麗文道歉。

得罪天王郭富城？

在去年12月賴彥妤訪問天王郭富城，城城在受訪時提到自己會帶小朋友同屋企人去聖誕燈飾打卡，不過賴彥妤似乎沒有聽到城城的說話，竟然再問到：「會唔會帶埋小朋友」城城就回答「我頭先咪講咗囉」並望一望女主持後，再次表示：「我頭先講咗我會帶我小朋友、屋企人同太太一齊嚟」雖然好脾氣的城城沒有太介意，但賴彥妤的表現實在令人無語。

高學歷港姐出身

28歲的賴彥妤畢業於英國高雲地利大學法律系碩士，她在參選2021年香港小姐競選時有「英國學霸」之稱，雖然在廿八強就止步，但也被安排到TVB娛樂新聞台做主持，近年有不少娛樂新聞主持都是落選港姐出身，但她們身為主持的專業程度就屢受質疑。

Text：Girls editorial

Photo Source：IG圖片、影片截圖