呂爵安哂「田牧合照」被批「浪費時間炒CP」，直斥「得閒去學戲練歌啦」，獲Edan親自回覆！
早前MIRROR成員呂爵安（Edan）和盧瀚霆（Anson Lo）因拍攝ViuTV劇集《大叔的愛》被網民獲封「田牧CP」。日前Edan在IG上PO出與日版《大叔的愛》吉田鋼太郎海報的合照時，竟被網民批評「得閒就學吓戲練吓歌，唔好浪費時間炒CP」，引來Edan親自回覆！
Edan與日版「大叔」合照留念
最近MIRROR成員呂爵安（Edan）和盧瀚霆（Anson Lo）一同到了日本拍攝電影《盜月者》，期間兩人在當地突然看到日版《大叔的愛》吉田鋼太郎的海報，不禁停下來與海報興奮合照，Edan並PO到IG上與粉絲分享，他寫上：「睇吓我哋喺日本見到邊個！！！係原版嘅大叔！」，再搞笑寫上「田一雄X黑澤武藏X凌少牧世紀合照」，令不少粉絲興奮不已。
有網民批評：唔好浪費時間炒CP
不過此舉動卻引來一位網民的不滿，他在留言區寫上：「得閒就學吓戲練吓歌，唔好浪費時間喺度炒CP啦，次次炒登神神教同爵Group都嘈，你自己group mma冇所謂，唔好影響人哋先得㗎 ！」
對於網民的指控，竟引來Edan本人親自回覆：「得閒就睇吓書同屋企人朋友傾吓計，唔好浪費時間喺度話人炒CP啦，次次我po同佢嘅嘢都話炒CP，我係咪唔同得我朋友合照啊，你同你朋友去旅行會唔會po相？你自己諗多冇所謂，唔好意圖扭曲我做嘅嘢同控制我po乜先得㗎！」Edan的回應到目前為止，更獲超過5500個讚好！
兩人隔空對話數輪
其後該網民再度留言：「說中了？」，Edan再次霸氣回覆：「回應你就係說中了？咁你玩晒㗎喎」，之後該網民突然態度放軟，並向Edan道歉和解釋：「你知唔知CP呢個issue成日令到粉絲之間嗌交，佢哋嘅over FF同兩派CP粉嘅爭寵令人心煩，可能你只係純粹分享同bro嘅日常開心事，但次次見到兩個群組鬧嚟鬧去都令到好多人唔開心。如果我講嘅語氣冇禮貌我可以道歉，但希望你明白我想表達乜嘢。」
對於網民的道歉，Edan隨即大方接受，並寫下：「咁嘅語氣咪大家都舒服啲囉，絕對歡迎你道歉！咁順便我都想問多少少，你係咪認為你所謂嘅over FF、爭寵、嘈交全部都係我嘅責任？如果係，你覺得我應點樣做去解決呢？」不過該網民卻沒有再回覆了。
即睇更多人氣文章：
網民大撐Edan
在今次事件上，大批網民都力撐Edan，認為是該網民在無理取鬧，直指在自己的個人IG上PO出與好友的合照是非常正常的事，並表示會繼續支持Edan分享任何東西，留言：「自己IG post乜野要由人哋控制？ 唔啱就唔好睇」、「同隊友互動好正常，點解要被話炒cp？」、「Edan真係慘，post幅相都比人鬧」、「支持你繼續做自己想做嘅事」等。
Text：Girls editorial
Photo Source：劇照、Edan@Ig
延伸閱讀：
【大叔的愛】Edan浮誇表情包被封「新一代諧星」！與Anson Lo咀咀觀眾都心跳加速！
# Edan與Anson Lo首現螢幕初吻
Edan（飾田一雄） 與 Anson Lo（飾凌少牧）向來老友鬼鬼，這次演出同志題材的劇集表現自然亮眼，昨日播出第二集就已經有兩位男主角咀咀的戲碼，看得觀眾都臉紅耳赤！
劇情提到田一雄被上司KK（黃德斌飾）告白後不知如何應對，在洗澡時卻被室友凌少牧發現KK喜歡田一雄，於是在拿毛巾給田一雄時，凌少牧趁機在田一雄赤裸出浴時壁咚並趁機告白表明心意：「我鍾意你！」
同時更重現原版《大叔的愛》經典挑逗對白：「我知你喜歡大波，但我都有大枝嘢，你會唔會想試吓？ 」當田一雄仍不知如何應對時，凌少牧已經火速忍不住馬上親下去，咀對咀的螢幕初吻畫面看得粉絲都熱血沸騰，田一雄就只現出「眼突」的經典表情！想不到劇情推進得那麼快，第二集就已經有如此激烈的畫面！
# Edan 各種誇張表情包成亮點之一
ViuTV港版《大叔的愛》不少情節都神還原日版的經典場口，整個劇集的演出亦很有日劇的感覺。
Edan呂爵安更展現出多個表情包，由懷疑到被上司黃德斌暗戀到被告白的過程，為絞盡腦汁摸清事實，當中發揮超強演技配上豐富浮誇的內心戲碼及表情包，而且快速連環轉換表情亦超有笑料，簡直是喜感十足，果然 Edan 是「被樣貌耽誤的諧星」～
Edan 呂爵安在《大叔的愛》中多次展現出男友視覺的畫面，粉絲看到都覺得 Edan 就如自己的男友般在對話，令觀眾們都幸福感滿滿！
# Edan首擔男主角被讚「新一代諧星」！
Edan 呂爵安向來在團體Mirror中都是超帥且有才華的歌手，但是這次為了《大叔的愛》願拋開偶像包袱，大擺各位誇張滑稽鬼臉而不突兀，幽默感十足，演技備受觀眾肯定被譽為「新一代諧星」。
這次 Edan呂爵安之所以會用到如此誇張的演繹全因想忠於日版原著，在日版的「田中圭」同樣是走浮誇路線，Edan 不少表情都有神還原原版，初擔任男主角的他亦獲觀眾力讚演出很到位及好笑，令人更期得接下來 Edan 還會有甚麼表情包的出現～
# 網民：ViuTV 懂得發揮演員戲路 大台扼殺演技
在港版《大叔的愛》，不少人看到型佬黃德斌可以演出各位嬌俏可愛的動作及表情大感驚喜，而 Edan 的浮誇表情包增加劇集的喜感，再配上斯文細心的 Anson Lo 神助攻，三人一起的化學作用令劇情更有可看性！不少網民都大讚 ViuTV 懂得發揮演員的戲路，會放膽讓演員去試不同角色。
不少觀眾更認為黃德斌在大台演出多年，但是戲路一直都是走陽剛型佬的路線，多年來都沒有太大變化，每一套劇都未能帶給觀眾新鮮感，令他在演出的角色仿如定型了型格路線。
不少觀眾認同全憑 ViuTV 希望能在《大叔的愛》做到反差萌的效果，導演亦相信擁有多年演戲經驗的黃德斌能駕馭得到此角色，給予演員信心及肯定，令黃德斌把演技好好發揮出來。最終劇集播出後，黃德斌的癡戀軟萌大叔形象也贏得觀眾掌聲，網民亦力踩大台不懂用人，扼殺演員的演技。
Text: GirlStyle editorial
Photo Source: 《大叔的愛》截圖
❣️ 立即 Follow 我們的 Instagram girlstyle.mag
✨GirlStyle 女生日常手機應用程式正式登陸 App Store 及 Google Play✨ 👉 立即下載
