22歲健美冠軍節食險患暴食症失控食零食致腸抽筋：學識平衡先最緊要

運動

By Flora on 24 Mar 2023

senior editor

22歲的Keiko平日愛穿背心短裙、化淡妝上學逛街，外表與一般香港女生無異，想不到她去年連掃3個健美小姐比賽冠軍！台上表現亮眼的Keiko，分享秘訣是拿捏放鬆與自律的平衡，而她眼中的完美身材定義，居然令人大跌眼鏡？

Keiko自小興趣多多，喜歡挑戰自己，大學一年級已參加42km馬拉松比賽。2021年有朋友帶她去健身，她一試便愛上，一星期去足6天健身室！去年年底Keiko一口氣參加5個比堅尼健美小姐比賽，初次參賽的她居然全部奪獎，更連掃3個冠軍！

健美類別五花八門，Keiko參加比堅尼健美小姐比賽，參加者必須穿上兩件式比堅尼和5吋高跟鞋走秀擺甫士，賽事通常有4-5名評判，按肌肉比例、女性魅力和是否健康均稱等評分，並非「愈大隻愈高分」！

參賽日除了要化妝set頭外，還有健美最重要的「上底油」——健美者一般被要求健康的古銅膚色，因此參賽前會先除毛去角質，再塗上油亮的古銅色，底油能夠呈現健康感、甚至能打陰影突出肌肉線條，令健身效果事半功倍！

常聽到減肥增肌的朋友只能吃烚菜、烚雞胸，健美小姐的餐單豈不是更痛苦？「都唔會太辛苦，我食好多嘢㗎，有魚、蕃薯、菜、牛油果……最鍾意係做完運動食baby rice，當然比賽前幾星期唔好落太多調味料。」

種類雖多卻清淡，Keiko坦言：「我本身都好鍾意食甜品，但比賽要有自制能力，想贏就唔會偷食。」現在處於非賽季，她便會放鬆自己吃吃雪糕和拉麵，身高158cm的她，體重由賽時的44kg升至52kg，「因為長年都食得咁清會好辛苦，如果真心鍾意呢件事，唔需要太固執條路先行得遠，所以學識balance先最緊要。」

一問之下，原來這位健美冠軍的豁達來自一次「偷食」經歷！「屋企人平時都會買零食，但我比賽前都好節制唔會偷食，但有次唔知點解，突然好想食零食，一食仲食咗好多，我當時好驚，個腦部停唔到，最後食到腸胃抽筋要入院。」醫生指Keiko抑壓食慾太久，導致突然失控狂食，類似「暴食症」的傾向，幸好只是偶發性事件！

其實很多減肥節食的朋友都試過「突發性失控暴食」，Keiko表示這種情況在健美界也頗常見，「我唔係鼓勵突然暴食，但想提醒大家唔好因為咁自暴自棄，因為呢個係身體正常反應。」她補充，「經歷呢件事後，我一發現身體有唔妥就會同教練講，同埋要學識平衡，非賽季咪俾自己放鬆吓，食多少少零食。」愈懂得放鬆，Keiko準備比賽的20星期就愈自律，即使跟朋友吃飯，看到滿桌的燒肉甜品，Keiko也能心如磐石地獨自吃沙律！

Keiko指出健身帶給她最大的改變就是自律，「以前會飲酒、作息唔定時，想做咩就做咩，屋企人知道我參加健美後都問『你得唔得㗎？好辛苦喎！』慢慢玩耐咗，我練到好早起身空肚踩單車、做gym、煮健康嘢食，屋企人都話我自律咗好多。」另一方面她又表示運動令她變得樂天，很多事即使未如完美，但盡過力也無愧於心，「有時唔係努力得唔夠多，而係時間唔夠長。」

Photo from 除了健身，Keiko還喜歡空中瑜伽、滑雪、烘焙和做手工藝，生活多姿多采！

講起完美，到底對Keiko來說，怎樣才是「完美身材」？不是蜜桃臀和漏斗身形、也不是體脂率10%云云，這位健美小姐的答案令人出乎意料：「Comfortable and confident. 每個人對完美嘅追求都唔一樣，無論揀咩身材同生活，最緊要係自己舒服開心，唔使理其他人點諗。」正在夏威夷度假的Keiko笑道，「我而家去旅行食好多嘢，媽咪都話我好似肥咗，但係唔緊要啦，又唔係好過份，開心咪得囉。」

Text: Girls Editorial

Photo: 受訪者提供（Chester Lam、Keith Leung拍攝）

更多相關文章：

《體能之巔》盤點7位晉級30強女參賽者！健身KOL/摔角選手/特技演員，身型都勁Fit！

Netflix《體能之巔：百人大挑戰》（Physical 100）已經播出6集，每集都成功引掀起不少話題，經過多場比賽後目前只剩下30位參賽者，甚至還有7位實力女成功存活，能堅持到今時今日絕不能看輕她們的實力！以下就介紹一下7位成功晉級的女參賽者，不知道當中有沒有人能成功爭奪到3億韓元（約190萬港元）的獎金呢～