Edan近日被網民屈「炒CP」後，親自留言反駁網民的言論，後來更開直播澄清自己沒有生氣？Edan申訴經常收到Haters的「問候」，不認同做明星就要有被罵的心理準備？他更委屈說，無論忍不忍這些過分評論都會被罵？

Edan開直播澄清

近日Edan（呂爵安）上傳與Anson Lo的合照，結果有網民留言要他不要「炒CP」，Edan親自回覆不滿網民的言論，指自己只不過是分享與朋友的合照。晚上的時候更開直播澄清，只見他用了「莫生氣」濾鏡放在頭上，並澄清自己並沒有因為該留言生氣。

Edan直言：「如果我真係做緊嗰啲嘢（炒CP），你鬧我，我都抵！問題係我唔係！」他表示網民胡亂留言的情況已經很久了，他雖然一直採取當作看不到的方法，但其實心中每次還是會被重擊，覺得難受。

忍唔忍都死

Edan談及事情的時候，表示一向都有很多過分的Haters，會每天到他的社交平台上「問候」，對他說出過分的言論：「今次係一件小事，如果係更大嘅事，又唔回應，就會影響咗大家對你嘅印象同觀感。」他指出回應與否都被罵的現象很奇怪：「唔出聲就硬食，出聲就俾人話小器、俾人話嬲、話講中咗，咁其實我點都死㗎喎！」

即睇更多人氣文章：

7款秋日超顯白髮色推介 奶茶灰棕/蜜糖橘棕/珍珠米粽瞬間提亮膚色

日本超夢幻童話小鎮 仿佛踏入哈利波特魔法世界 簡直人間仙境

不認同明星要被罵

Edan更反駁不少人說做明星、藝人就要有被罵的準備，他認為這個「食得鹹魚抵得渴」的觀念是錯誤的。如果是被偷拍、少了隱私，這樣還能理解，但無辜被罵、被誤解，這樣並不是藝人有責任承擔的事情。

他又指：「我從事藝術工作唔代表要被人誤解。人哋成日話『你掙錢比別人多，就預了會被人話』，咁醫生、律師係咪都要『食得鹹魚抵得渴』，被人鬧及誤解呢？是否很多有錢人、專業人士都係咁樣呢？明顯唔係。」有不少人都很贊同Edan的言論，覺得大家都應該尊重藝人，更不要作出不禮貌的言論。

Text：Girls editorial

Photo Source：直播截圖、IG圖片

相關文章：呂爵安哂「田牧合照」被批「浪費時間炒CP」，直斥「得閒去學戲練歌啦」，獲Edan親自回覆！

早前MIRROR成員呂爵安（Edan）和盧瀚霆（Anson Lo）因拍攝ViuTV劇集《大叔的愛》被網民獲封「田牧CP」。日前Edan在IG上PO出與日版《大叔的愛》吉田鋼太郎海報的合照時，竟被網民批評「得閒就學吓戲練吓歌，唔好浪費時間炒CP」，引來Edan親自回覆！

Edan與日版「大叔」合照留念

最近MIRROR成員呂爵安（Edan）和盧瀚霆（Anson Lo）一同到了日本拍攝電影《盜月者》，期間兩人在當地突然看到日版《大叔的愛》吉田鋼太郎的海報，不禁停下來與海報興奮合照，Edan並PO到IG上與粉絲分享，他寫上：「睇吓我哋喺日本見到邊個！！！係原版嘅大叔！」，再搞笑寫上「田一雄X黑澤武藏X凌少牧世紀合照」，令不少粉絲興奮不已。

有網民批評：唔好浪費時間炒CP

不過此舉動卻引來一位網民的不滿，他在留言區寫上：「得閒就學吓戲練吓歌，唔好浪費時間喺度炒CP啦，次次炒登神神教同爵Group都嘈，你自己group mma冇所謂，唔好影響人哋先得㗎 ！」

對於網民的指控，竟引來Edan本人親自回覆：「得閒就睇吓書同屋企人朋友傾吓計，唔好浪費時間喺度話人炒CP啦，次次我po同佢嘅嘢都話炒CP，我係咪唔同得我朋友合照啊，你同你朋友去旅行會唔會po相？你自己諗多冇所謂，唔好意圖扭曲我做嘅嘢同控制我po乜先得㗎！」Edan的回應到目前為止，更獲超過5500個讚好！

兩人隔空對話數輪

其後該網民再度留言：「說中了？」，Edan再次霸氣回覆：「回應你就係說中了？咁你玩晒㗎喎」，之後該網民突然態度放軟，並向Edan道歉和解釋：「你知唔知CP呢個issue成日令到粉絲之間嗌交，佢哋嘅over FF同兩派CP粉嘅爭寵令人心煩，可能你只係純粹分享同bro嘅日常開心事，但次次見到兩個群組鬧嚟鬧去都令到好多人唔開心。如果我講嘅語氣冇禮貌我可以道歉，但希望你明白我想表達乜嘢。」

對於網民的道歉，Edan隨即大方接受，並寫下：「咁嘅語氣咪大家都舒服啲囉，絕對歡迎你道歉！咁順便我都想問多少少，你係咪認為你所謂嘅over FF、爭寵、嘈交全部都係我嘅責任？如果係，你覺得我應點樣做去解決呢？」不過該網民卻沒有再回覆了。

即睇更多人氣文章：

7款秋日超顯白髮色推介 奶茶灰棕/蜜糖橘棕/珍珠米粽瞬間提亮膚色

日本超夢幻童話小鎮 仿佛踏入哈利波特魔法世界 簡直人間仙境

網民大撐Edan

在今次事件上，大批網民都力撐Edan，認為是該網民在無理取鬧，直指在自己的個人IG上PO出與好友的合照是非常正常的事，並表示會繼續支持Edan分享任何東西，留言：「自己IG post乜野要由人哋控制？ 唔啱就唔好睇」、「同隊友互動好正常，點解要被話炒cp？」、「Edan真係慘，post幅相都比人鬧」、「支持你繼續做自己想做嘅事」等。

Text：Girls editorial
Photo Source：劇照、Edan@Ig