90後跨性別舞者勇敢出櫃覓得真愛 3歲初穿裙感開心，只恨「生錯男兒身」

By Flora on 05 May 2023

senior editor

跨性別人士不一定要做變性手術？跨性別意識是與生俱來？隨著時代變遷，我們慢慢接受性傾向和性別認同的多元性，但是很多人對跨性別仍一知半解，今次邀請到跨性別女生Venus和跨性別男生Zephyrus分享自身經歷和困難。

對於跨性別族群來講，性別意識是與生俱來，正如有人天生黑頭髮黃皮膚、有人棕色捲髮啡眼睛，27歲的舞蹈老師Venus生為男兒身，憶述自己「自有意識開始，覺得唔做女仔就好唔舒服！」

「3、4歲幼稚園時家姐學跳舞，佢貪玩幫我著裙同化妝，我當時覺得好開心，好靚。」不過礙於社會風氣，Venus不敢公開自己的性別認同，一直處於「深櫃」狀態，只在18歲開始偶爾試穿女裝外出，她掩嘴一笑「咁都係好事，如果讀書時『出櫃』，好容易俾同學欺凌歧視。」

Venus在大學時接觸舞蹈waacking，這種舞蹈來自LGBT文化，舞者對性傾向、性別等議題看法都較開放，Venus描述自己的「出櫃」經驗：「有次著女裝比賽，其他人見到就話『哇好靚呀！」，咁我就出咗櫃。」同輩朋友只有一片讚美，Venus就是如此輕鬆地公開性別認同，反而母親則是另一個景象了。

Photo from 大學時期的Venus

「媽媽梗係好唔開心咁喊，問自己做錯啲乜，個天要咁對佢。」經過一段時間的對話、互相了解對方想法，媽媽終於接受自己多了一個「女兒」，現在還感情超好，常常結伴逛街，Venus表示：「起初佢擔心我呢個身份會俾人欺負同無朋友，但佢見到我生活又ok喎，於是媽媽就話『其實你開心就ok啦』。」

Venus得到朋友和家人支持外，還認識到現任男友，男友表示愛情不分性別，又大方向朋友介紹Venus，超級甜蜜！

28歲的Zephyrus是一名醫生和跨性別組織創辦人，他指出跨性別的定義是「性別認同及表達與出生時被指定的性別不同」，換言之，只要認定自己不屬於與生俱來的性別，即使未做（性別重置手術）變性手術也屬「跨性別者」！

以Venus為例，她從未進行變性手術，只靠服用抗雄激素和女性荷爾蒙達到女性化的外表，當然她在打扮上也下了一番苦功！「我每日都要化妝出街，因為男仔本身顴骨腮骨比較大，我一定要打陰影；平時都要化好多時間揀衫，睇吓點修飾個身型。」Venus補充，「我覺得跳舞都有幫助，以前我舉止好粗魯，學跳舞後練開feminine嘅動作，又習慣對鏡執自己嘅動作，所以都接受咗而家嘅狀態。」

據統計香港約有1.8萬名跨性別人士，但並非每一位都接受過變性手術（例如平胸手術或陰道建造手術）。部分手術等候時間長和價格高昂，以陰道建造手術來說，現時香港公立醫院由登記、實際生活體驗和外科排期等時長約10年，私家醫院收費則十多萬起跳，不少人都寧願選擇到泰國做手術，不過也有人像Venus般卻步，她解釋：「因為我唔係太抗拒見到自己嘅性器官，加上做手術對身體傷害好大，現階段都未有迫切需要想做。」

雖然社會愈來愈開明，但仍不乏歧視問題，Venus身穿女裝出街，偶爾都有路人對她指指點點，甚至大笑「哇呢個係男定女？」，她聳肩苦笑：「我都慣㗎喇，所以唔係真係（對做男仔）咁唔舒服，我都唔會選擇呢條路囉。」舞台上的她舞藝超卓，如一顆熠熠星光，台下卻只想做個平凡人：「我哋只係一個普通人姐，見到我哋喺街唔好眼望望，掂行掂過就ok啦，唔使俾咩關注度。」