蔡潔被指撞樣Ali李佳芯坦言唔開心 唔想成日提到人「有時標題連我個名都冇」

TVB電視劇《一舞傾城》自播出以來一直話題不斷，而選美出身的蔡潔也憑藉劇中「Monica」一角成功彈起，演藝事業略見起色。蔡潔自入行來就被指為「李佳芯2.0」，而近日她現身網上節目《絲打圍爐》時直言為此感到困擾，更稱「不想再提佳芯個名」而掀起熱議！

「唔係好想提到佳芯個名」

蔡潔近日作客蝦頭（楊詩敏）、連詩雅主持的節目《絲打圍爐》，入行而來一直被指撞樣李佳芯的她，被問到會否因此不開心時，蔡潔直言不諱：「想講唔好意思都要講句，我唔係好想提到佳芯個名，因為我覺得打擾到佢。近幾年繼裸肉搏完總經理後，又多左佳芯2.0個tag，可能個題連我個名都冇，你話有冇唔開心，一定係有嘅。」蔡潔更稱自己覺得不忿氣，希望觀眾看到自己專業演員的一面。

掀網民熱議

蔡潔此言一出即惹來熱議，部分網民表態支持李佳芯「Ali就應該唔開心唔忿氣下話」、「Ali 都唔忿氣」、「氣質差十條街，李佳芯靚好多」亦有網民表示支持蔡潔「蔡潔靚過Ali 好多倍！」、「蔡潔加油！」

對言論做出解釋

近日，蔡潔出席活動時即對「唔想提李佳芯個名」言論做出解釋，坦言李佳芯靚過自己很多：「人哋咁靚，同埋我都唔想收收埋埋自己嘅感受，講完之後俾人斷章取意我又控制唔多嘅，希望大家可以認識我多啲！」被問到是否怕佳芯為此而生氣，蔡潔說到：「我相信佢唔會。」

因與曾志偉拍親密戲紅極一時

現年34歲的蔡潔第一步接拍的電影是彭浩翔執導的《香港仔》，戲中與曾志偉不但有親密戲份，甚至有全裸的肉搏戲，當時在網上引起了熱議，網民不僅對這新人表示：「太搏啦！」，佩服她肯接下這部戲！其後不僅參演了《飛虎》，還頂替了黃翠如成為《法證先鋒V》的女主角！

蔡潔李佳芯風格相似

蔡潔入行時被指同李佳芯撞樣，更有「佳芯2.0」之稱，日常打扮風格也與女神Ali非常相像，某些照片令網民也搞不清楚誰是誰！不過也有部分網民表示：「Ali靚好多，又有氣質！」，大家又覺得像嗎？

Text：GirlStyle Editorial
Photo source：ig@jackykycai、ig@aliaime、youtube@chillgoodtv