Coffee林芊妤成功轉型做瑜伽KOL，社交平台擁有超過100萬粉絲，不過間中仍有不少負面新聞。近日Coffee就在社交網分享與老公的對話，提到當初與老公結婚時被指「終於釣到金龜」，近日因為自己的收入可觀，老公卻被指「食軟飯」，於是就澄清老公養得起自己！

Coffee提老公被指食軟飯

Coffee林芊妤在2018年與拍拖3年的圈外男友翟志榮結婚，同年10月誕下可愛兒子翟德彥，不時在IG分享一家三口的幸福生活。近日Coffee緊貼潮流開了新的社交平台threads帳號，她就分享夫婦間對話：「琴日係到同老公講笑，講起之前有人話佢食軟飯，我突然醒起當初大家知道左我要結婚既時候，有傳媒知道佢係銀行高層，出咗新聞話我嫁俾銀行家。跟住當時好多人話我貪慕虛榮終於俾我成功釣到金龜，之後仲傳我開公司都係老公打本俾我做先開到?（其實開公司唔使好多錢）。到而家大家都知道我係靠自己開公司做生意，呢幾年仲做得幾好，就開始有人話佢食軟飯，要靠老婆。」

原來Coffee先被指「釣金龜」，到之後因為自己的事業發展得很好，有傳她月入至少6位數，就開始傳出Coffee老公「食軟飯」的傳聞。但其實Coffee與老公一向財政獨立，而且Coffee從來沒有問過咁老公拿出家用，又稱自己賺的錢足夠自己用，而且兩夫婦都會一起負責家庭的支出，不會計較。

即睇更多人氣文章：

【Chanel 手袋凹陷急救】教你2個超簡單步驟，1分鐘瞬間修復羊皮壓紋，回覆脹卜卜！

俄羅斯24歲少婦通過代孕成23個孩子之母！立志生夠105個一特殊習慣確保小孩健康

澄清老公養得起自己

Coffee又提到大家只會好主觀去看一件事「好似我既例子，點解事情就只能有咁極端兩面？一係就我貪慕虛榮，如果唔係我老公就係食軟飯？」Coffee提到老公當然養得起她，她可以選擇不工作專心相夫教子，但其實女人想好好靠自己努力闖出一片天。她又趁機鼓勵其他女性「當有人去評論你既人生，請你好好記住如果你因為人哋嘅睇法而改變自己，你過嘅係佢想要嘅生活，並唔係你想要嘅生活。每個人都有自己嘅選擇，而你嘅選擇都唔需要向任何人交代！你嘅人生你只需要向自己交代。」

獲網友力撐EQ高

不少網友看到Coffee的貼文後都大讚她EQ高，面對外界的負面新聞都可以如此大方面對，而且又覺得Coffee靠自己而有今時今日的成就，非常厲害。

Text：GirlStyle Editorial
Photo source：IG

Coffee林芊妤自爆「未懷到第二胎」嘅原因！每晚同老公做1件事搞到冇時間，網民：超sweet～

林芊妤（Coffee）在2018年宣布意外懷孕，並與拍拖3年多的圈外男友翟志榮結婚。婚後Coffee時常在IG上分享兒子翟德彥（伯伯）的可愛日常，一向喜歡小孩的她，在日前竟然自爆沒有再陀B的原因，引來不少網民熱議。

Coffee自爆未懷孕的原因

林芊妤（Coffee）在2018年誕下兒子翟德彥（伯伯），及後她一直都很想再生多一個弟弟或妹妹，可惜2021年卻不幸流產，令她相當傷心，經休養後才重新振作起來。事隔兩年，Coffee仍未傳來再度懷孕的好消息，不過日前她竟然在IG自爆仍未懷孕的原因是因為「她和老公每晚只顧著做運動」！

原來是因為掛住做運動！

Coffee在IG上PO出一條有關夫妻日常的影片，並寫上：「我哋平時夜晚就係咁樣過㗎啦，佢會無啦啦跟我做運動，但又出奇幾合拍。同埋由頭到尾我哋都冇講過一句說話，拎返出嚟睇覺得都幾好笑，有仔女嘅就明白半夜先係天堂時間。」再續說：「我哋嘅夜間運動係好健康嘅，唔怪之得一路冇BB，原來掛住做運動。」～

兩人一同做運動超sweet

從Coffee分享的影片可見，她老公原本一個人坐在客廳看電視，之後Coffee突然走過來坐在旁邊，並一邊看電視一邊舉起手腳做運動，老公見狀後連忙跟住做，於是兩人便不停做運動了，非常sweet，難怪一直都未有BB喇～

大批網民大讚好甜蜜

影片一出，許多網民都大讚好甜蜜，有人留言：「人地無聊係搵零食食，你地無聊冇嘢做響度做運動」、「好得意嘅夫妻關係」、「神同步，睇得出老公好欣賞同佩服呢個老婆」、「平淡安穩自在的生活就是幸福」等。

亦有人表示看得出老公非常重視Coffee，留言：「有時唔係嚇嚇要靠花言巧語或者送禮物先維繫到感情，呢D日常生活簡單相處已經睇到佢有幾重視你」。

另外，也有人將焦點放了在Coffee超級勤力，竟然無時無刻都在做運動，留言：「你咁fit真係有原因」、「我要向你學習無時無刻都鍛鍊」、「太強了，連睇電視都做運動」等。

Text：Girls editorial
Photo Source：Coffee@IG