Anson Lo獲陳慧琳大讚認真又勤力 感謝神徒支持，尾場數度淚灑舞台：好多時想放棄

Mirror成員「教主」盧瀚霆（Anson Lo）一連四場的個人演唱會圓滿結束；除了教主的精彩表演外，嘉賓陣容也十分驚喜！不僅有Dear Jane、教主兒時偶像蔡卓妍（阿Sa），尾場嘉賓更是請來陳慧琳（Kelly）助陣，兩人跳唱經典歌曲《花花宇宙》，Kelly更是大讚Anson超勤力：「樂壇好需要你呢啲歌手！」

獲陳慧琳讚足2分鐘

Anson Lo個唱昨晚圓滿結束，在演唱會尾段隨著《花花宇宙》前奏響起，身穿黑色緊身上衣及牛仔長褲的陳慧琳（Kelly）緩緩由升降台升起，與教主一同跳唱，不少粉絲驚喜尖叫！Kelly一上來就對教主讚口不絕，大讚Anson Lo特意為合作舞台排舞，態度超認真：「我做咗咁多次演唱會嘉賓，從來未試過嗰Artist會排埋舞，佢仲拍埋片俾我練習！超勤力，好感動！」更高度評價教主：「真係好需要你呢啲歌手，為樂壇出份力，無得頂！」教主更一度緊張怕醜，直言：「你唔好再讚我啦！」

兒時偶像阿Sa任嘉賓

除了Kelly大力助陣外，Twins成員蔡卓妍（阿Sa）亦擔任第三場嘉賓，二人手拖手合唱《女人味》和《多謝失戀》，令不少粉絲大感驚喜～原來教主細細個就是Twins的粉絲，唱完歌直言「一年前」每個星期日都會去抽Yes卡，抽不到Twins就會不開心、更會哭，還買齊了所有Twins的唱片！

自爆早已相識

阿sa更自爆兩人早已認識：「我好記得我識你嘅時候你好細個，我哋一齊食過串燒，嗰時你話我聽要去比賽，我仲叫你加油，所以今日嚟到呢度係好替你高興，一路見到你慢慢進步，一路見到你喺台上面發光發熱」。化身小粉絲的教主直言一首歌未夠喉，兩人其後再一同合唱《多謝失戀》，簡直是追星天花板！

多謝神徒，感性落淚

感性的Anson Lo在尾場亦一度落淚，坦言一路走來好大壓力：「好多時候好想放棄，曾經成日同花姐講，我好似頂唔順喇！」之後他感謝神徒一路來的支持：「因為你哋每個人，我先繼續有力量，繼續做我想做嘅嘢。」台下的神徒也大叫「Anson」以表支持！

Text：GirlStyle Editorial
Photo source：ig@ansonlht、youtube@Mushroom蘑菇きのこ