雯雯爆張致恆婚後照溝女兼力數老婆？稱自己承認唔到壓力，將會取消IG會員制！
張致恆（Steven) 同太太區燕雯（雯雯）關係時好時壞，早前雯雯宣布懷上第四胎，Steven亦辭去小食店工作在家中照顧老婆和仔仔，又親自下廚想做好老公和好爸爸。不過日前雯雯又突然在IG放負，大爆張致恆婚後不斷識女仔，又揚言自己因為受不住外界的評論會取消收費IG？
雯雯疑壓力爆煲
日前雯雯在IG限時動態上傳黑底白字長文並寫道：「的確我係好失敗我承受唔到外界嘅打擊甚至壓力今日嘅新聞導致我變咗騙子收到好多msg 話我借張致恆出位如果唔係邊有人識但我從來冇諗過要出名甚至做一個名人我只係已經被逼到爆煲諗唔到其他地方去發洩所以就會不停打一啲嘢出嚟去發洩自己嘅不滿同情緒或者委屈」令不少網友都擔心雯雯的狀況。
大爆Steven婚後仍識女仔
雯雯又大爆老公Steven在婚後不忠：「點解你唔諗下五年裏面，你有冇真真正正改變過安守本分? 我喺屋企捱生捱死，大住肚照顧小朋友，你有比任何嘅金錢我哋去食飯買奶粉尿片睇醫生我都係靠自己，不停揾朋友嗰段時間，我從來冇質疑過你任何嘢我只係同自己講好快就會過你好快就會返嚟但係結果我換來嘅係乜嘢」她大爆男方在婚後仍然到處識女仔，甚至在女生面前力數雯雯的不是。雯雯最後提到自己已經承受不到外界的評論，所以過了今個月將會取消她的收費IG，希望大家可以放過她。
即睇更多人氣文章：
IG設會員收費制
早前雯雯為了生計而開設收費IG帳戶，會員每月要付$50才可以關注新IG，她重申以後只會在收費IG更新近況，舊有IG則作廣告用途。截止8月10日已有244位Followers，可見她上個月賺了超過萬二蚊收入。不過早前雯雯曾在IG出post問大家會否繼續「續會」，應該擔心網友不再付錢，如今又受不住壓力而決定取消收費IG。
Steven想轉型做好老公、好爸爸？
另一方面Steven最近開始積極洗底，除了有北上表演外，又在天水圍一間小食店打工；早前又獨自帶3個兒子去逛書展、早上7點起床炒飯給囝囝吃，疑似想轉型做好爸爸。但雯雯似乎不太受落，才再度在IG發文罵Steven。
Text：Girls editorial
Photo Source： IG圖片
雯雯靠收費IG月入萬2蚊怕會員唔再俾錢！張致恆稱被KOL騷擾，反被踢爆疑搏同情換課金？
張致恆與雯雯兩夫妻早前自爆懷有第4胎，雯雯不靠老公自力更生，開設收費IG帳號賺生活費，每月會收取會員50蚊會費。不過近日首批收費會員制已實行接近一個月，雯雯擔心會員不再付款，就想預告每個月15號看不到大家過數，就會在粉絲名單馬上刪除對方？
IG會員制實行近一個月
雯雯自從開設了收費制IG帳號後，舊有帳號轉為僅廣告用途，現時只會將生活照上傳在新IG帳號。她原本的IG帳號擁有1萬粉絲，但新IG帳號目前只有243位粉絲，以每位月費$50計算，雯雯在上個月賺取了$12,150的收入。不過由於收費會員制已經實行接近一個月，日前她在IG限時動態問大家：「就嚟一個月，想知道大家係會繼續支持，定係只會支持一個月？」看來雯雯擔心粉絲不再付款，失去了一家人的收入來源之一。
定下課金的最後限期
日前雯雯再出post定下續會的限期，提醒大家一要在每個月15日前過數，才可以繼續看她的IG「如果15號都見唔到大家過數，咁我就自動delete， 希望大家唔好介意」她再三提醒大家記得要在限期前課金，沒有「續會」的會員未能繼續瀏覽她的IG。
Steven稱被富二代網紅騷擾
另一方面張致恆（Steven）在IG限時動態上載與富二代網紅Sean Lam的對話截圖，提到對方離奇傳來訊息騷擾他們一家人「呢位網紅。。。其實你究竟想點樣呢？不停騷擾我全家，我哋又唔識得你，之前又搵人冒認我老婆嘅IG，而家又唔知喺邊度搵到我老婆電話send嘢嚟騷擾我哋，其實你要得到嘅都得到咗喇，係人都知你係邊個啦，其賈究竟你想點啫？我哋都係養妻活兒揾餐飯啫。」，照片中對方傳來一個訊息「我幫您算咗第四胎都係仔……需要起名改命就有緣再講。」
即睇更多人氣文章：
富二代網紅回應指控
不過Sean很快就在IG限時動態回應Steven的指控，他首先澄清自己並沒找人冒認張致恆太太，反斥自己的直播被利用來宣傳雯雯的收費IG，而雯雯的手機號碼是因為他們需要捐款而提供的；Sean又分享他與雯雯的完整對話，力證自己並非Steven所指無故騷擾他們。
質疑兩夫妻搏取同情希望網民課金
Sean晚上開直播稱Steven兩夫婦製造夫婦不和現象，只是想搏取大家同情「其實佢哋打呢啲嘢唔係呻，而係等大家同情！大佬！佢哋用緊部電話仲新過我呀！」他在直播再提到是雯雯提供自己號碼作收費用途，而非從其他途徑獲得，又稱Steven對方講大話︰「佢真係死性不改！佢哋只係網絡玩嘢！」他認為雯雯的假帳號有可能是她自編自導自演，想製造話題吸引大家付費。由於雯雯的收費IG快到收費日子，Sean猜測Steven近日無緣無故在ig限時動態指控他，是搏取大家同情以便換取大家繼續課金收費IG。
Text：Girls editorial
Photo Source：IG圖片
❣️ 立即 Follow 我們的 Instagram girlstyle.mag
✨GirlStyle 女生日常手機應用程式正式登陸 App Store 及 Google Play✨ 👉 立即下載
