無綫新聞主播林婷婷（Jacky）擁有甜美外貌和高學歷，再加上早前報道颱風蘇拉襲港和黑雨仍然表現得十分專業，因此被網民大讚，現時IG更坐擁超過5.8名粉絲，被盛讚是新一代的「新聞女神」～

高學歷兼態度專業被激讚

現年30歲的林婷婷（Jacky）在入行前曾做中學老師三年，她畢業於香港中文大學英文系學士、香港大學文學及文化研究碩士學位，並精通英、法、日、廣、普五種語言。其後在2019年2月加入無綫成為港聞記者，由於外語能力高、口才了得，因此之前經常在明珠台報新聞，又不時被安排訪問外籍人士。

到了2021年11月，林婷婷兼任翡翠台新聞主播。早前颱風蘇拉襲港和黑雨期間，林婷婷被派到杏花邨海旁和黃大仙港鐵站報道，即使環境惡劣但她依然笑容十足，專業的態度獲網民激讚。

甜美外表被讚新一代「最美新聞之花」

除了高學歷以外，林婷婷的甜美外表亦吸引不少網民關注。早前政府宣布「口罩令」解除，她就在港鐵車廂內一邊除口罩一邊做報道，結果不少網民都激讚她的高顏值，留言指：「除口罩靚過戴口罩」、「被口罩封印的顏值」、「一除口罩聽到Bling Bling聲」等，更有網民指她就是「最美的新聞之花」。

在今年4月，林婷婷更前往九龍城為潑水節進行外景採訪，事後將當日的照片分享到IG上，從相片中所見，林婷婷臉上有不少白色粉彩，但她依然對鏡頭展現出甜美笑容，不少網民都大讚她超靚女，更被指童顏似中學生。

另外，林婷婷更曾在IG上分享過童年照，可見小時候的她已經眼大大、面尖尖，看起來非常可愛，可以說是「由細靚到大」！

即睇更多人氣文章：

7款秋日超顯白髮色推介 奶茶灰棕/蜜糖橘棕/珍珠米粽瞬間提亮膚色

日本超夢幻童話小鎮 仿佛踏入哈利波特魔法世界 簡直人間仙境

被發現報新聞期間照鏡

在今年8月尾，林婷婷在明珠台直播報新聞期間，突然拿著一塊長方形的鏡出來照，而這個片段更直接播了出街，其中有網民猜測她可能趁著播新聞時，想照一照鏡，惟來不及收回。雖然很搞笑，但事後不少網民都大讚她的反應很可愛！

Text：Girls editorial

Photo Source：林婷婷@IG、新聞@截圖

延伸閱讀：

靚女主播又走一個！歷代TVB靚女主播大集合，新一代女主播係童星仲拍過《溏心風暴》～

香港人睇TVB長大，自然對TVB新聞主播都有返咁上下認識，不過舊時我地熟悉嘅TVB主播都走得七七八八，最新消息係嘉倩BB都離巢，決意專心讀書，TVB靚女主播又少一個啦～等我地一齊重溫下有邊啲美貌與智慧並重嘅女主播先！

# 林燕玲

有小飛俠之稱嘅林燕玲由主播轉到銀行業再去到公關，事業上可謂一帆風順～最估唔到嘅係佢竟然已經39歲！！！點解人地39歲仲可以Keep得咁好嘅？同駱文捷拍埋好似仲後生添呀～

# 趙海珠

因為入職冇耐就有得坐《六點半新聞報導》引起外界關注，只係做咗短短3年女主播但已經可以極速上位～雖然唔係話靚到好標青嗰種，但係感覺好清新，同林燕玲同屬第一代TVB女神主播呀～

# 周嘉儀

有「女神主播」之稱嘅周嘉儀有實力&亮麗外表加持，自然有一班Fans日日捕住電視前睇佢報新聞啦～離職嗰排仲令到一眾巴打非常傷心：「第日同邊個講早晨呀？」雖然已經離職一段時間，但係佢Facebook每個Post基本上都有千幾個Likes咖～

# 陳嘉倩

啱啱離巢嘅嘉倩BB就係TVB新一代女主播之中最具人氣嗰個，喺佢證實離巢之後好多Fans係佢IG留言叫佢唔好走，以後冇咗嘉倩BB都唔知點算咁話喎～

# 蔡雪瑩

已經離巢一段時間嘅Snowy雖然有一個得意仔仔，但Snowy天生Baby Face，話係BB嘅家姐都有人信呀！除咗忙住湊仔之外，仲間唔中出下品牌活動～

# 黃麗幗

同樣已離巢嘅黃麗幗都係轉戰財經界～人見人愛嘅虎牙令到女仔都覺得佢勁Cute！之前仲比網民影到佢露出長腿搭地鐵，令佢人氣急升～

# 伍楚瑩

咁多主播離巢，不如介紹返現職嘅靚女主播啦～伍楚瑩原來曾經做過童星，喺《溏心風暴》入面飾演童年版鍾嘉欣！佢標緻嘅外表仲比一眾網民話佢似韓星文根英，而家先24歲嘅佢真係前途無可限量呢～

# 麥詩敏

成日喺IG以素顏示人嘅Gloria一樣咁省鏡～不過有網民就話佢太瘦，如果肥返少少就好啦～講到Gloria最為人熟知嘅就係其中一個蝦碌事件，講錯咗：「中東呼吸中級綜合呼吸中東呼中級綜合呼吸綜合症」，有少少騰雞～不過經驗係需要磨煉嘅，而家嘅Gloria已經進步咗好多啦～

# 羅鈺文

30歲嘅羅鈺文Yuki同GEM拍埋，望落仲後生過GEM呀～同樣係童顏嘅Yuki睇落真係好後生，不過上年已經成為人妻，又令到一眾巴打失望啦～

雖然有啲人話「主播咪又係照稿讀」，但佢地背後付出嘅努力＋面對公眾嘅壓力絕對唔比藝人少咖～

Text Source：Girls Editorial

Photo Source：Instagram, Internet