Viutv男團MIRROR快將舉行演唱會，但最近突然有傳姜濤與盧瀚霆（Anson Lo ）將會在演唱會上合體演出，還會互唱對方的歌曲，因此引來兩派粉絲的強烈反對，在網上掀起罵戰，更激進到透過「罷睇」來威脅主辦方！

傳演唱會「姜神合體」惹不滿

近日有傳姜濤與盧瀚霆（Anson Lo ）將會在演唱會合體演出，並互唱對方歌曲，雖然消息真偽未知，但已惹來兩邊粉絲的強烈反對和掀起罵戰，有人在網上發起「反姜神合作大行動」，甚至揚言會「罷睇」以向主辦方MakerVille施壓，以示不滿，直指兩人合體不會有火花，要求主辦方取消這一部分。

一眾神徒認為合體沒有必要

其中有一眾「神徒」認為「姜神合體」根本沒有必要，還指兩人CP很難接受，有人留言：「唔要姜神，唔好加深所有人既憎恨，唔好要神徒再對公司失望」、「個個都不喜歡姜神，不如哥與弟，強行推姜神怕出年冇人續miro」、「有姜神睇一場算，唔想台下開片」等。還有人重提去年「西九音樂節」姜糖在Anson Lo表演時拉隊走人一事，指：「難道公司想畀多次機會姜糖侮辱 AL，定喺想台下開片？大部份兩家Fan都唔會想見到呢個表演囉」！

同時也有神徒認為MakerVille有意借Anson Lo的人氣幫助提升姜濤的人氣，認為是利用Anson Lo：「唔好再認為搵Lo嘅人氣帶返起某人，某人有大量粉絲和傳媒盲目支持，請唔好再拖其他隊友落水」。

一眾姜糖認為主辦方想帶旺Anson Lo

至於一眾「姜糖」也同樣不支持兩人合體，指若果MakerVille不聽訴求便會罷睇：「公司是否眼盲，定或佢地覺得兩班粉火藥味未夠，要加多個核彈。本來諗住睇多兩場，依家一場就算，免得眼火爆」、「如果姜神出現巡演， 咁真係要好好考慮睇唔睇，訂位已經擔心跟另一班唯粉坐，依家仲逼我睇姜神，精神/心理壓力實在太大」、「姜神自出道起已經不斷合作睇到好厭唔想再睇，咁多未合作過嘅組合點解要係合作無數既姜神呀？」等。

亦有姜糖認為姜濤已連續四年奪得「叱咤我最喜愛的歌曲」，認為人氣遠遠拋離Anson Lo，認為安排兩人合體是MakerVille想帶旺Anson Lo，所以擔心會「搶走姜濤啲Focus」。

但其實姜濤與Anson Lo 在參加《全民造星》時，因為同一組，因此當時已相當老友。在現時熱播中的綜藝節目《MIRROR TIME》中，兩人的感情依然非常好，經常有說有笑，未見二人有不和。

Text：Girls editorial

Photo Source：MIRROR@IG、姜濤@IG、盧瀚霆@IG、《全民造星》截圖

延伸閱讀：

杜汶澤撰長文勸姜濤放假至少半年至一年！建議姜糖同Haters勿盲撐、盲反：覺得佢係「壓力肥」

《2023年度叱咤樂壇流行榜頒獎典禮》於昨晚舉行，MIRROR成員姜濤以《濤》奪得「十大第六位」和「我最喜愛的歌曲」。而今日已移居台灣的杜汶澤就在FB以長文大談姜濤，其中他大讚姜濤是個有禮貌的小朋友，又認為他目前最需要的是休息，又認為他很有可能是『壓力肥』，從而引起熱議。

建議姜濤放假至少半年至一年

杜汶澤表示知道姜濤的粉絲很保護偶像，因此向來攻擊姜濤的人都會因觸犯「鏡安法」而被追捕，但他都堅持說，並建議姜濤放長假至少半年至一年：「做乜？無呀，減下肥，打下波，去外國生活下，唔上跳舞堂唔學唱歌，可以學下其他嘢吖咁後生。不過唔建議去美國，乜嘢都加芝士加煙肉分分鐘返嚟仲肥」。

直接指姜濤「真係肥」

雖然杜汶澤認為「其實講乜都會俾人話刷存在感」，但他都要說出真心話， 他先自嘲自己身型似豬，理應沒有資格笑別人的身型，但礙於思想較傳統，因此覺得偶像不應該肥，並直言「姜濤真係肥」，但就覺得對方是「壓力肥」，所以十分關心姜濤的心理。他自爆許多年前曾在電視台的後台見到對方，大讚姜濤很有禮貌又可愛，但可惜的是「而家見唔到佢呢種笑容」。

之後，杜汶澤又指每個偶像一紅就會很大壓力，因為不適應，稱這是一個定律，並舉出謝霆鋒、陳冠希等作為例子。

直指盲撐、盲反都沒有好處

至於行內人，杜汶澤又直言大部分人都不會說真話，他說：「啲老鬼見到你咪擦鞋囉，對外猛讚你，搏你啲fans都鍾意佢呀嘛，我哋以前叫『偷fan屎』，對內又唔敢得罪你」，又指同事亦不會直接批評，所以認為姜濤的同事可能都是對他說『你已經瘦咗好多啦！加油啊！』。此外，杜汶澤又認為網民盲目攻擊或姜糖瘋狂保護，對姜濤也沒有好處。

建議姜濤休息過後再重新出發

杜汶澤最後表示「覺得姜濤好慘」，又呼籲愛錫姜濤的人：「如果真係錫佢就應該勸佢休息下，俾自己一個沉澱嘅機會，放鬆嘅空間，思考下人生，將來可以走更遠嘅路，而且一定會有進步！破釜沉舟層次一定更加高！一年半載返嚟點會俾人搶咗個位啊？香港都冇人！」。其後有不少網民都認為杜汶澤說得很好，而且幾有公道，隨即引來大批網民留言和討論。

Text：Girls editorial

Photo Source：姜濤@IG、杜汶澤@IG