荃灣豬肉檔職員驚撞樣頂流姜濤 獲《東張》受訪掀熱議，網民：除口罩驗收先！

近日有市民影到位於荃灣大河道一間豬肉檔有老鼠開「食肉放題」，更將片段上報去《東張西望》；而《東張西望》第二日就登門了解「老鼠開餐」一事，但網民則驚見涉事豬肉檔職員竟撞樣頂流姜濤，更稱是「威威2.0」。

豬肉檔員撞樣姜濤

有市民向《東張西望》舉報，在荃灣大河道楊屋道街市附近的豬肉檔環境極髒亂，關店後更有5至6隻老鼠齊齊食生豬肉開餐，令附近居民大感堪憂！節目組就派人前去了解詳情，而接受訪問的肉檔職員張先生則驚人地與頂流姜濤有幾分相似；這位職員雖戴著口罩，但看上去十分年輕，眉眼間勝似姜濤剛出道時的模樣。

掀網民熱議

節目播出後，網民的焦點已由「老鼠開餐」聚焦到這位靚仔身上，不少人都覺得張先生看上去與姜濤有7成相似，紛紛截圖熱議：「係姜濤未肥之前個樣！」、「姜濤轉行做豬肉佬？」、「靚仔過姜濤～」、「明天豬肉檔又排曬隊！」

網民：除口罩驗收先講

眾所週知，2022年楊屋道街市附近就有一名豬肉佬威威因戴著口罩看上去十分靚仔，更被封為「荃灣豬肉檔AK」，之後亦有不少粉絲前去朝聖～看來楊屋道街市盛產靚仔豬肉檔員。不過，有網民就直指叫張先生摘口罩驗收：「唔好除口罩，就係威威2.0」、「呢個靚仔好多，不過除口罩驗收先講」等，掀起網民熱議。

Text：GirlStyle Editorial
Photo source：ig/keung_show、youtube@tvbofficial