呂爵安新任後援會被揭隱瞞身份宣布解散！部分成員來自上屆FC，Edan對事件了解中～

MIRROR成員呂爵安（Edan）的粉絲後援會（EFC）在去年10月因發生內訌而解散，其後由新任後援會（EIFC）繼續經營。但上任未夠三個月，新任後援會被爆出有部分成員是來自於上屆後援會，令一眾「爵屎」極度不滿，因此事後新任後援會的admin又發聲明辭職，引起熱議。

Edan新任後援會團隊發出辭職聲明

日前呂爵安（Edan）新任後援會（EIFC）的Admin團隊發出辭職聲明：「決定組隊參選係因為當時距離生日同演唱會時間相當緊迫，一直都擔心新團隊進行交接同埋安排各種應援會好吃力，而我哋一直都好想可以再為爵安進行應援，所以選擇再試一次參選。當時舊成員亦都有共識如果選到就再為爵安努力，落選就做返一個普通嘅爵屎用自己方法去應援」。

Admin團隊又表示，在過去兩個月，成員在籌備活動的過程中存在很多分歧及矛盾，而且不少內部對話被流出，因此成員間信任決裂，同時又承認「部分成員係舊EFC成員，亦有新加入嘅成員」，所以決定辭去所有FC職務，但現時處理中的事務則會繼續，直至與新的團隊完成交接。

他們又對於使用其他TG Account向公司提交政綱，沒有向大家坦白而深表歉意，又在文中兩度強調Edan及經理人阿Yu均不知情：「希望大家唔好再作任何揣測。對於是次爭議，我哋再次向爵安、Yu、公司及所有爵屎們致歉」。

Edan兩度上水回應

事件爆出後，Edan及阿Yu則表示對事件了解中，並盼望大家可以給予時間：「其實尋日我都講咗了解中處理緊，亦都懇求咗各位俾啲時間，唔知係咪唔合你哋意定你哋嘅時區時間流動得比較快，希望你哋願意將就下啦。不過我都想問，你哋係想幫手解決件事定純發洩？」。

之後Edan再一次發文回應，並表示正在想方法處理：「講開又講，為免大家有咩疑惑我都一次過講埋，我見到有啲人質疑公司同我係知情地去選fc，想特登用返舊嘅人，我真係呆_左，呆_埋右。其實我同啊yu真係冇咁得閒，點解要特登搞咁多嘢又選舉又盛只係想可以好好地選一個大家心目中最適合嘅fc去聚集大家，如果你覺得我哋明知有問題有危險都走去揀，咁可能你真係低估咗我哋嘅智商，好可惜而家事與願違，我哋都諗緊方法去處理」。

他續說：「明白大家會唔開心會有情緒，但都希望可以盡量理性少少，講過好多次，我唔係要大家一言堂。有唔同意見係好正常亦好需要，但希望大家係用良好嘅態度去理性討論係為件事好，有害群之馬嘅，就唔好理佢啦，我嚟處理！我好多謝大家一直無論咩事都咁支持我，咁體諒我。好多事情嘅發生都控制唔到，但可能我哋都可以喺呢啲事情上面學到一啲嘢，令我哋將來變得更好。同埋換個角度諗，我哋一齊經歷嘅事情又多咗一樣，都可以算係件好事？」

Text：Girls editorial

Photo Source：呂爵安@IG