So Ching罕談阿Mo受傷事故「似發咗場夢」，拒睇留言怕影響情緒，坦言事件令佢急速成長

前COLLAR成員蘇芷晴（So Ching）自從男友李啟言（阿Mo）因MIRROR演唱會發生事故後，便一直照顧對方，在去年5月還宣布退團，而熱愛跳舞的她更重投跳舞導師行列。日前她接受YouTube頻道「9BoThew 膠保廢」的邀請出席節目，談到近況和心情，又坦言事件令她急速成長。

So Ching正準備跳舞比賽希望衝出國際

在節目中，蘇芷晴（So Ching）與兩位主持人一同煮整意粉，過程非常搞笑。其後在對談環節時，So Ching提到自己最近一直都教跳舞班，也正準備國際性跳舞比賽《World of Dance》，此活動在不同地區都會進行比賽，奪冠則有機會到美國交流。之後主持人阿保提到，假如在荷里活發展則可能不能再見面，So Ching即回：「點會呀？咁我會返嚟呀嘛！」，表現得相當有自信，令阿保笑指她似乎認為自己一定會衝出國際，逗得SoChing大笑！

之後So Ching又表示今年目標是可以兼顧個人跳舞和YouTube發展，又直言：「你鍾意睇就睇，唔鍾意睇就唔好睇！」。

分享男友阿Mo受傷的心情

其後又被問到男友阿Mo受傷的心情，So Ching就坦言：「主要都係因為時間，好老套咁講，時間可以沖淡一切。因為我以前唔信，以前聽就會覺得『你實咁講㗎啦』，但原來基於呢件事嚟睇，都幾套用到」。對於網民的留言，So Ching回應：「老實講我係從來冇睇，即係除非真係彈到埋嚟，因為我冇開任何通知，冇咩必要都唔會睇。有啲留言無論好定壞都會觸發到我情緒，但我想自己穩定啲。同埋呢班人我都唔識佢」。

她又表示現時大部分情緒都影響不到她，原因是她的焦點不同了，現時知道自己的路要怎樣行。

SoChing坦言事件令她急速成長

回望過去兩年，SoChing分享出自己的感受：「我覺得話『好似發咗場夢』好貼切，我覺得最大轉變係『我個人慢返少少』！我一直都係個好心急嘅人，唔係好諗嘢，但上年年中打後開始，搵返自己生活節奏，慢慢知道其實自己點樣生活先比較好」，又表示事件令她急速成長。

Text：Girls editorial

Photo Source：蘇芷晴@IG、9BoThew 膠保廢YouTube截圖