Gin Lee李幸倪新歌宣傳爆公關災難！搞冇奬設計比賽引來網民炮轟，公司急送iPad pro補鑊！

歌手李幸倪（Gin Lee）自去年加盟英皇唱片後頻頻出歌，年初更獲得了「叱咤樂壇頒獎典禮女歌手」銀獎，成績非常理想！而近日Gin Lee在社交平台宣布即將推出新歌《告別煤氣燈》，而且舉行新歌Cover art的設計比賽，公開向歌迷徵集封面設計。雖然勝出作品可以成為正式封面，不過由於並沒有提及任何獎金和獎品，因此引來不少網友砲轟「咁孤寒就唔好出歌啦」！

舉行新歌封面設計比賽

近日Gin Lee在社交平台宣布即將推出新歌《告別煤氣燈》。為了宣傳新歌，Gin Lee表示將會同時舉行新歌Cover art的設計比賽，希望徵求一眾有創意的歌迷們幫手設計新歌封面：「被揀中嘅一位勝出者，就可以做正式封面，喺各大音樂平台同social media等等嘅地方見到自己嘅作品。」並透露新歌主題為「衝破情緒勒索的障礙，擁抱自我價值，勇敢追夢」，而 Cover art 的設計更需符合一定圖片格式（4000 x 4000 pixel，AI/ PSD），其中字體及圖片更需要分開圖層處理！

比賽爆公關災難

雖然勝出作品可以成為正式封面，不果由於比賽細則中並沒有提及任何獎品加上要求多多，因此引起不少網友不滿，認為公司的做法非常寒酸「咁孤寒就唔好出歌啦！」、「Cover就我畫 錢就你袋」、「無獎金？免費請人幫你畫cover art？唔係針對Gin，但你間公司好似搞錯咗啲行規，咁以後每個人都公開招募cover art design唔使俾錢啦」、「邊個marketing manager？下次不如話可以免費幫佢作歌拍MV啦！」

公司急送iPad pro補鑊

由於事件越演越烈，Gin Lee再次在社交平台發文補鑊：「呢幾日陸陸續續收到大家好靚嘅投稿，好多我都好鍾意，好難揀呀！ 所以我決定最後會揀選6張作品⋯⋯而每位作品被選中嘅設計者將可以獲得iPad pro一部！活動仲有4日咋，有興趣嘅朋友快啲參加啦～」而之前被批要求多多限制圖片格式，現在亦都放寬。看來公司是有聽取民意改善比賽細則！

Text: GirlStyle Editorial
Photo Source: IG@ginleeginlee