《東張西望》何伯咬定子女爭遺產！何太澄清二人係真愛，何伯：啲湯我愈飲愈精神！

《東張西望》的「老翁何伯」事件成為全城焦點，早前有指「新何太」已返回內地避難，但日前就有網民在屯門街市巧遇兩人，何伯還拖實老婆齊齊去買菜。昨晚節目又播出最新一集的預告，對於被指與何伯結婚是為了騙財，新何太更反擊：「冇呢回事，我點解要當佢獵物？我當佢係寶，好唔好？啲人真係奇怪」。

新何太再澄清自己是真心愛何伯

日前《東張西望》提到，對於有不少網民擔心新何太要求何伯支付100萬做生意是為了貪財，而非真愛，新何太就表示：「阿叔畀咗身體我、畀咗肉體我，就留咗啲錢畀佢仔女保管，佢仔女攞錢去，我就要跟佢捱苦，先證明到人哋係真愛，咁傻嘅！唔通有錢就唔係真愛咩？咁奇怪」，再度澄清自己是真心愛何伯！

新何太：我當佢係寶

在最新一集的預告中亦可見，今次訪問改為「東張女神」梁敏巧擔任主持，何伯和何太不斷在鏡頭前大曬恩愛，其中何太更極力反駁網民對她的抨擊：「冇呢回事囉！我點解要當佢獵物呀？我當佢係寶，好唔好呀？真係奇怪㗎啲人」，而對於何伯五名子女都反對，何太又表示：「佢再娶個女人唔係我，佢哋一樣反對，你信唔信？」。

新何太認為何伯子女是為了謀取家產

其後何伯立即和應：「我娶第二個佢哋一樣反對，佢哋爭遺產咋嘛！」，何太似乎都相當同意，並強調：「因為我名正言順，成為咗合法夫妻嘅話，同我老公……咁佢哋就冇咗嗰個繼承權，咪先下手為強」。

何伯反擊網民：我愈飲愈精神！

另外，由於何伯曾透露因何太當初煲湯給他喝，因而喝出感情，所以網民笑指是迷魂湯，更稱呼何太為「迷魂湯何太」。對此，何伯激動地表示：「啲人話飲迷魂湯飲死你，啲湯有毒。飲死我？我愈飲愈精神呀！ 」，而訪問中何太亦有再向何伯餵飲湯。預告片段一出，大批網民都表示超級期待可以早日看到何伯何太訪問的片段！

Text：Girls editorial

Photo Source：《東張西望》@YouTube截圖