《東張西望》何太爆何伯豪送10萬定情禮物「龍鳳鈪」，街市老闆爆何太「心機女」，何伯子女疑發表聲明

昨晚《東張西望》播出「老翁何伯」最新一集，提到何太指她與何伯是名正言順的合法夫妻，又指何伯子女擔心沒有繼承權，所以取走何伯的450萬，又表示名牌手袋只是A貨。但《東張西望》團隊到兩人相識的街市，竟有檔主爆料何太是心機女，一早已經將何伯當成目標？

何太指自己是名正言順

何太數日來看了多達數千個留言，但面對網民指控，何伯卻直指那些網民是「瘋狗」，指他們不理解他的家事，只相信那五個忤逆子女，居然把450萬全部捲走，並生氣地說：「佢哋係反派，帶錯咗佢哋嚟呢個世界，他們根本希望我死」。之後何太說：「其實果個女人唔係我，佢哋一樣反對」，何伯即認同，再補充：「佢哋爭遺產吖嘛」。

何太稱：「因為我名正言順，成為咗合法夫妻嘅話，同我老公……咁佢哋就冇咗嗰個繼承權，咪先下手為強」。何伯曾打算將名錶典當，但何太拒絕再指現時的生活尚算可以，她又強調自己並非想騙走何伯的錢才與他結婚：「真係好膚淺！我係一個好注重名聲嘅人，邪不能勝正！我為人正直堅持走正確嘅路」。

解釋經營飲食生意是兩人共同想法

面對有網民提及何太名義上想經營飲食生意，要求何伯取出100萬 ，但實質是想騙走何伯的錢，何伯便直言這個創業念頭是兩人共同的想法，何太也說：「我諗住攞住100萬先，慳住用先，我都想賺多啲返嚟同佢一齊享受嘅」。之後被問到如果蝕錢怎樣時，何伯就回答：「蝕咗都預咗啦！我有450萬，嗰100萬攞出嚟做試金石囉」，何太也表示：「有風險嘅」。

何伯回應網民的「迷魂湯」一說

由於何伯曾透露何太當初煲湯給他喝，因而喝出感情，所以網民笑指是「迷魂湯」，何伯相當激氣說：「我不知幾清醒！啲錢係我自己搵返嚟，點解要俾細女盜走晒？銀行嗰個同佢夾計有利益！」，更指自己非常清醒。之後主持提到有不少網民認為細女是暫時替他保管，但何伯即回：「保管到我死咁點做生意呀？我想上去發展，我仲想去珠海發展」。

何太被問「喜歡何伯哪一點？」

然被主持向何太提問喜歡何伯哪一點時，何太說：「我鍾意佢愛錫我，我覺得好幸福，佢又大方，又送嘢畀我，有邊個女人唔希望搵一個愛錫自己嘅老公？唔通我老公愛惜我都有罪？要比世人用呢啲唔好嘅眼光去睇佢？」， 何太又指網民應該要羨慕她有個老公這麼愛錫她，而不是攻擊她貪財，並說：「我從來都唔會呃人一分一毫！我係好簡單嘅人」。

何伯認同：「邊個女人呃我，我實睇得通！我10幾歲嚟香港，跑過江湖我知！佢老實，靠得住，我就娶佢，我哋有感情！」

何太指18歲兒子提議自己工作賺錢養何伯

有不少網民認為何太的18歲兒子吞了何伯的錢「當心無命享」，何太就表示已向兒子表明何伯已沒有錢：「而家叔叔無晒錢，畀細女捲走晒啲錢，臨老過唔到世好淒涼」，怎知兒子竟提議不讀書，要出去工作賺錢供養何伯，令她相當感動。之後主持追問假如追不回450萬存款，會否工作賺錢養何伯，何太即說：「會，我會搵到生存方法，可能回內地擺地攤煎牛扒畀人食，我都會帶住佢」。

金銀珠寶和名牌手袋都是冒牌貨

另外，有不少網民質疑何太住公屋，但每次出鏡都佩戴金銀珠寶和名牌手袋，粗略估計身上總值至少36萬，看似在炫耀財富。對此，何太便解釋手袋在內地直播間買的，只是冒牌貨，價值$300至$700元，又指珍珠耳環是自己多年前入手，價值兩萬多元，亦都是假貨。

之後何太拿出何伯於情人節送贈的定情禮物「龍鳳鈪」，說：「第一隻就1.8幾両，加埋可能3両幾，接近4両，都成10萬，價值99,900」，她續說：「我覺得佢咁錫我真係好難得，從未有人咁樣為我使錢」，並指在節目中展現出來只想表達何伯對她的愛錫。

街市老闆告發何太是「心機女」

在最後的預告中提到，在何伯和何太相識的街市中，有檔主向《東張西望》大爆何太是「心機女」，對何伯是虛情假意，一早已經將何伯當成目標。該檔主說：「佢就煲湯畀佢飲，你都唔好飲啦，係唔係迷魂湯嚟㗎？後期呢個啊伯就成日走過嚟同我講話，其實呢我做你契女都得，不過做你老婆都得㗎！」，但何伯卻反駁：「佢話迷魂飲死你添，我話你講呢啲說話得罪人！」，似乎極力護妻。

何伯子女疑發表聲明：維護家族權益

不過節目播出後，有疑似是何伯的子女在「何伯&何伯老婆關注組」出帖，指自己提取戶口中的450萬是為了維護家族權益，又強調會照顧父親的日常生活，只是不支持父親再婚，並認為不會供養「新何太」。另外，又有另一位自稱是何伯的子女出帖，指父親封鎖他們的電話，希望可以約到對方吃飯。隨後不少網民都表示支持子女，並指：「可能係個女人操控埋何伯電話，blocked晒五個，分化阿伯和仔女感情，自己上位」。

Text：Girls editorial

Photo Source：《東張西望》@YouTube截圖、何伯&何伯老婆關注組@截圖