盛勁為曬相疑似暗示渴望成為爸爸！陪契仔契女公園玩耍，盡顯父愛溫柔一面～

「十優港姐」麥明詩（Louisa）與盛勁為（Keith）在三月成為夫婦，兩人舉行了三場婚禮。早前盛勁為在IG自揭曾是不婚主義，並解釋原因，但後來已改變想法。在日前的母親節，他更在IG出帖，其中「俾我想像將來嘅家庭會係點樣」的一句，疑似暗示渴望成為爸爸？

盛勁為曬出與契仔、契女玩耍的照片

在日前的母親節，盛勁為因工作關係需飛到澳洲 ，隨後他在IG曬出多張與契仔、契女到公園玩的照片，並發文表示：「因為工作關係，今年母親節無得留喺香港同阿媽和外母慶祝，但去左澳洲搵好耐冇見嘅契仔契女，見到朋友湊住咁細既小朋友都真係非常唔容易，身心疲累。經過呢兩日之後又多一個畫面，俾我想像將來嘅家庭會係點樣，相信都一定會有好多喜怒哀樂」。

盛勁為疑似暗示渴望成為爸爸

從照片中可見，盛勁為不但單手拖實契女，表情相當寵溺，而且陪契仔一起玩公園設施，又攬實對方玩鋼架，還睡在地板上讓契女踩肚子，盡顯父愛溫柔的一面！其中帖文中「俾我想像將來嘅家庭會係點樣」的一句，不禁令人懷疑盛勁為疑似正在暗示渴望成為爸爸，在幻想自己日後的家庭面貌。

其實麥明詩過去曾在活動上已多次表示想生小朋友，還曾揚言想趁年輕生四個，又曾說：「我覺得生小朋友唔好得一個，都想有個伴，好似我照顧媽媽咁，有哥哥一齊同心協力」，似乎也相當渴望做媽媽！

盛勁為過去曾是「不婚主義者」

早前盛勁為在社交平台與網民大玩「你問我答」，他詳細解釋：「因為唔夠錢......我覺得喺呢個世代無父幹嘅年輕一輩係好難自立，莫講話成家立室，就算有份好工但要養成村人都係搞唔掂，與其咁勉強，不如自己一個輕鬆自在，唔好累人」。而被問到何時生小朋友時，盛勁為就指自己做人很隨緣、佛系。

Text：Girls editorial

Photo Source：盛勁為@IG、麥明詩@IG