《東張西望》何太稱被前夫家暴對婚姻有陰影！疑何伯大仔指450萬有家用、亡母儲蓄，必捍衛母親尊嚴

TVB《東張西望》提到76歲何伯與細逾30年的內地女子閃婚，何太指何伯子女擔心沒有繼承權，所以取走父親的450萬，並稱自己與何伯是真愛。之後街市老闆爆料何太是心機女，一早將何伯當成目標，而何伯的五名子女又疑出帖文指自己提取戶口中的450萬是「維護家族權益」，強調會照顧父親，並稱不會供養後母，其後一名自稱是何太的人士以簡體字疑隔空反擊，指「錢一定拿回來」！

何太指曾受前夫虐待指自己很怕婚姻

面對網民被何太上節目在炫富，何太就表示何伯在亡妻生前也為她贈予過不少首飾。之後何太受訪時自爆曾有一段刻骨銘心的失敗婚姻，令她現在選擇何伯為終身伴侶：「我當時畀我前夫虐待過，而家有陰影，我好怕婚姻。我打算一直湊大我個仔算，因為……係啦，所以我希望搵到愛我、錫我嘅男人就得。無論佢咩年紀，佢懂得愛錫我就得！」。

何太澄清只結婚兩次和公屋非靠前夫

對於被爆料結過三次婚，何太就澄清只結過兩次，何伯亦補充：「嗰時返去廣州，我見過佢家姐，佢家姐都畀咗少少料我，就係佢嫁我，我係第二任丈夫」。又有指何太有資格申請公屋是靠前夫的身份，她說：「嗰時我嫁畀前夫，佢住劏房，我哋一齊捱劏房。之後性格不合就離婚，之後就攞到身份證，同囝囝一齊申請間公屋。如果我講大話，我以後搵唔到錢，窮光蛋一個，好唔好？得未，最毒㗎喇，因為我理想係要賺好多好多錢」。

何太18歲兒子力證媽媽非貪錢

之後何太的18歲兒子也接受訪問，但不願露臉，主持隔住房門與他對話，他說：「開頭聽我阿媽話搵咗新男友，仲要年紀咁大，我係接受唔到，覺得阿叔臨老入花叢」，又表示與何伯相處很融洽，有講有笑，每天都會一齊食飯，大讚何伯很好。被問到對比何伯與以前的爸爸，他再說：「以前個爸爸又打又鬧我阿媽。而家叔叔何伯脾氣好，對我阿媽好好，對我都好。佢會買小食畀我，會去麵包舖買麵包」。

之後他又認為網民誤解了媽媽貪錢：「我睇得出佢絕對唔係咁貪錢嘅人，明白網民唔太了解太多細節」，並指以後會努力讀書，工作賺錢養阿媽同何伯，並揚言全力支持媽媽。

何太賣出約10萬的龍鳳鈪以應付生活

另外，早前有疑似何伯的子女在「何伯&何伯老婆關注組」出帖，指自己提取戶口中的450萬是為了維護家族權益，又強調會照顧父親的日常生活，只是不支持父親再婚，並稱會向後母追討父親贈予過的禮物。何伯激動地說：「佢哋一分錢都無幫手搵過，無存錢入銀行，細個由我養大供書教學，佢哋幾時有養過老竇 」。

何太亦認為何伯子女沒有資格向她追討結婚時收取的禮物，再指出已將價值約10萬的定情禮物「龍鳳鈪」賣出，一共蝕了兩萬元，以應付生活，並表示會與何伯相伴相行。

何太突然情緒激動在鏡頭前落下淚來

這段忘年戀備受抨撃，連日面對排山倒海的網民一面倒負評，何伯大鬧：「簡直無人性，喺街千祈唔好話係我仔女，我衰唔起」，何太更情緒相當激動，在鏡頭前落下淚來，致旁邊的何伯安慰她，並說：「我就算點都要撐落去」，之後何太邊哭邊說：「佢遇到好大嘅困難，外面啲網民不但唔覺得佢嘅細路做錯，仲攻擊我哋，佢真係好需要人理解同支持」。

何伯大仔疑投稿指必定會捍衛亡母尊嚴

其後有一名自稱是何伯大仔的人士在討論區投稿，他以「河馬」稱呼後母，他提到父親原本很正常，不似上節目時般神智不清，又指父親飲完後母的湯水後，沒有與子女商量就突然簽紙結婚。他又提到何伯從未送過貴重物品給亡母，因此不明白後母為何可以在短時間內哄到父母送出幾十萬的禮物。

之後他又指450萬並非全部是由父親賺回來，當中亦有子女家用和亡母多年的儲蓄，又指：「我呀媽好慳，買餸都會格價，所以我哋唔容許呀媽死慳死抵啲錢，比隻河馬一鋪清袋，試問點對得住呀媽？」。最後他又稱會捍衛亡母尊嚴：「司馬昭之心，路人皆知。各位香港市民都知河馬係為咩而來，我地會循法律途徑，保護父母財產，以及已去世媽媽的尊嚴」。

Text：Girls editorial

Photo Source：《東張西望》@YouTube截圖、何伯&何伯老婆關注組@截圖